നെടുങ്കണ്ടം: ലോട്ടറി ടിക്കറ്റിലെ നമ്പര് തിരുത്തി പണം തട്ടാന് ശ്രമിച്ച യുവാവ് പിടിയില്. കല്ലാര് കരുണാപുരം ചെറുകോവില് അജിത്ത് (27) ആണ് പോലീസ് പിടിയിലായത്. ലോട്ടറിയുടെ നമ്പര് തിരുത്തി 5000 രൂപ തട്ടിയെടുക്കനാണ് പ്രതി ശ്രമിച്ചത്. ചൊവ്വാച്ച വൈകീട്ട് 7 മണിയോടെ നെടുങ്കണ്ടം പ്രൈവറ്റ് ബസ് സ്റ്റാന്റിനുള്ളില് പ്രവര്ത്തിക്കുന്ന എ എം പി ലോട്ടറി ഏജന്സീസിലാണ് തട്ടിപ്പിന് ശ്രമം നടന്നത്. സമ്മാനം അടിച്ചത് ആര് യു 683080 എന്ന നമ്പര് ലോട്ടറിക്കായിരുന്നു. എന്നാല് പ്രതി തന്റെ പക്കലുണ്ടായിരുന്ന ആര് യു 683089 എന്ന ടിക്കറ്റിലെ അവസാന അക്കം തിരുത്തി അത് പൂജ്യമാക്കുകയായിരുന്നു. ബാര്കോഡ് പരിശോധനയിലാണ് കടയുടമ തട്ടിപ്പ് മനസ്സിലാക്കുന്നത്. പ്രതിയെ തടഞ്ഞ് വച്ച് പോലിസിന് കൈമാറുകയായിരുന്നു. കോടതി പിന്നീട് പ്രതിയെ ജാമ്യത്തില് വിട്ടു.
പ്രതികരിക്കാൻ ഇവിടെ എഴുതുക: