കാലിഫോര്ണിയ: ഫുട്ബോളിനെ നെഞ്ചിലേറ്റുന്ന അമേരിക്കന് മലയാളികള്ക്കായി ഒരു ഫുട്ബോള് ക്ലബ്. ആശാന്സ് ഇലവന്. കാലിഫോര്ണിയയിലെ സാന് ജോസേ ആസ്ഥാനമാക്കി ഒരു കൂട്ടം മലയാളി ഫുട്ബോള് പ്രേമികളായ യുവാക്കളാണ് കുറച്ചു വര്ഷങ്ങള്ക്കു മുമ്പ് ആശാന്സ് ഇലവന് സ്ഥാപിച്ചത്. വാരാന്ത്യത്തില് ഫുട്ബോള് കളിക്കാനായി ഒത്തുകൂടുന്ന ഇവര് ഇത്തവണ ആശാന്സ് പ്രീമിയര് ലീഗ് സംഘടിപ്പിച്ചു.
ആറു ടീമുകളെ ഉള്പ്പെടുത്തി സംഘടിപ്പിച്ച ലീഗില് ആശാന്സ് ബ്ലാക്ക് ടീം കിരീടം കരസ്ഥമാക്കി. ഫൈനലില് അവര് അവഞ്ചെര്സ് ക്ലബിനെ മൂന്നിനെതിരെ നാല് ഗോളുകള്ക്കാണ് തോല്പ്പിച്ചത്. പ്ലെയര് ഓഫ് ദി ടൂര്ണമെന്റ് ആയി ആശാന്സിലെ സഞ്ജീവിനെ തെരഞ്ഞെടുത്തു. അവഞ്ചെര്സിന്റെ ഇനിയസ് ചെമ്മണ്ണൂര് ആണ് ടോപ് സ്കോറര്.
കളിക്കാരും അവരുടെ കുടുംബാംഗങ്ങളും ചേര്ന്ന് നൂറ്റന്പതോളം പേരടങ്ങുന്നതാണ് ആശാന് കുടുംബം. ഫുട്ബോള് കൂടാതെ ഓണം, ക്രിസ്മസ്, വിഷു മുതലായ മലയാളി വിശേഷ ദിവസങ്ങളും ആവേശത്തോടെ കൊണ്ടാടുന്ന ആശാന്സ്, കാലിഫോര്ണിയ ബേ ഏരിയ മലയാളി കൂട്ടായ്മകളിലെ സജീവ സാന്നിധ്യമാണ്.
പ്രതികരിക്കാൻ ഇവിടെ എഴുതുക: