പാനൂര്: സംഘടനാവിരുദ്ധ പ്രവര്ത്തനത്തിന് ജനകീയസമിതി കണ്ണൂര് ജില്ലാ സെക്രട്ടറി ഇ.മനീഷിനെ ജനകീയസമിതി സെക്രട്ടറിസ്ഥാനത്തു നിന്നും പുറത്താക്കിയതായി ഭാരവാഹികള് അറിയിച്ചു.—ഇന്നലെ പാനൂര് വ്യാപാര ഭവനില് ചേര്ന്ന യോഗത്തിലാണ് തീരുമാനം.—വരവു ചിലവു കണക്കുകള് കൃത്യമായി അറിയിക്കാതെയും, പ്രസിഡണ്ട് നിരവധി തവണ ആവശ്യപ്പെട്ടിട്ടും യോഗം ചേരാന് കൂട്ടാക്കാതെയും കാണിച്ച ധിക്കാരപരമായ നിലപാടിനെതിരെയാണ് നടപടി.—ആക്ടിംങ് സെക്രട്ടറിയായി ദിനേശന് പാച്ചോളിനെ യോഗം തിരഞ്ഞെടുത്തു.—പ്രസിഡണ്ട് കെ.വി.മനോഹരന് അദ്ധ്യക്ഷത വഹിച്ചു.—അഡ്വ. രവീന്ദ്രന് കണ്ടോത്ത്, ബാലന്മാസ്റ്റര്, എം.രത്നാകരന്, സുരേഷ്ബാബു അക്കാനിശേരി, എംപി.പ്രകാശന്, പി.രാധാകൃഷ്ണന് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: