മട്ടന്നൂര്: ഇടത്-വലത് മുന്നണികള് കേരളത്തില് നടത്തുന്ന പ്രീണന രാഷ്ട്രീയത്തിന് ഈ തെരഞ്ഞെടുപ്പില് ജനങ്ങള് മറുപടി നല്കുമെന്ന് ബിജെപി ജില്ലാ ജനറല് സെക്രട്ടറി കെ.കെ.വിനോദ് കുമാര് പ്രസ്താവിച്ചു. ബിജെപി മട്ടന്നൂര് നഗരസഭാ കണ്വെന്ഷന് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജനങ്ങള് മാറിച്ചിന്തിച്ചുകൊണ്ടിരിക്കുകയാണെന്നും ബിജെപി കേരളത്തില് അധികാരത്തില് വരണമെന്നാണ് അവര് ആഗ്രഹിക്കുന്നതെന്നും അദ്ദേഹം പറഞ്ഞു. മാറിമാറി ഭരിച്ച മുന്നണികള് സംസ്ഥാന വികസനത്തില് ശ്രദ്ധിക്കാതെ പ്രീണനത്തിനായി പരസ്പരം മത്സരിക്കുകയാണ്. ഇത് ജനങ്ങള്ക്ക് കടുത്ത ദുരിതം മാത്രമാണ് സമ്മാനിച്ചിട്ടുള്ളത്. മോദി സര്ക്കാര് നടപ്പിലാക്കുന്ന വികസനപ്രവര്ത്തനങ്ങള് സംസ്ഥാനത്തെ ജനങ്ങളും ആഗ്രഹിക്കുന്നുണ്ടെന്നും അതുകൊണ്ട് ബിജെപിക്ക് അനുകൂലമായ മാറ്റം ഈ തെരഞ്ഞെടുപ്പില് ഇവിടെയുണ്ടാകുമെന്നും അദ്ദേഹം പറഞ്ഞു. യോഗത്തില് മട്ടന്നൂര് നിയോജക മണ്ഡലം പ്രസിഡണ്ട് സി.വി.വിജയന് മാസ്റ്റര് അധ്യക്ഷത വഹിച്ചു. സ്ഥാനാര്ത്ഥി ബിജു ഏളക്കുഴി, വി.വി.ചന്ദ്രന് തുടങ്ങിയവര് സംസാരിച്ചു. പി.കെ.സുരേഷ് ബാബു സ്വാഗതം പറഞ്ഞു.
പ്രതികരിക്കാൻ ഇവിടെ എഴുതുക: