പശ്ചിമബംഗാളിലും അസമിലും ആദ്യഘട്ട വോട്ടെടുപ്പ് തുടങ്ങി

Monday 4 April 2016 10:05 am IST

കൊല്‍ക്കത്ത: പശ്ചിമബംഗാളിലും അസമിലും ആദ്യഘട്ട വോട്ടെടുപ്പ് തുടങ്ങി. ബംഗാളിലെ 18 മണ്ഡലങ്ങളിലും അസമിലെ 65 മണ്ഡലങ്ങളിലുമാണ് ഇന്ന് തെരഞ്ഞെടുപ്പ് നടക്കുന്നത്. ബംഗാളില്‍18ല്‍ 13 മണ്ഡലങ്ങളിലും കനത്ത സുരക്ഷാ ഭീഷണിയുള്ളതിനാല്‍ വൈകുന്നേരം നാലിന് പോളിംഗ് അവസാനിക്കും. ഭരണകക്ഷിയായ തൃണമൂല്‍ കോണ്‍ഗ്രസിനെതിരേ സിപിഎമ്മും കോണ്‍ഗ്രസും കൂട്ടു ചേര്‍ന്നാണ് എതിര്‍ക്കുന്നത്. ആകെ 294 മണ്ഡലങ്ങളാണുള്ളത്. പ്രമുഖ നേതാക്കളൊന്നും ആദ്യഘട്ടത്തില്‍ മത്സരിക്കുന്നില്ല. രാവിലെ എട്ട് മണിമുതലാണ് അസമില്‍ പോളിങ് ആരംഭിച്ചത്. അപ്പര്‍ അസമിലെ തേയിലത്തോട്ടങ്ങള്‍ ഉള്‍പ്പെട്ട പ്രദേശങ്ങളിലാണ് പ്രധാനമായും ഇന്ന് തെരഞ്ഞെടുപ്പ് നടക്കുന്നത്. മുഖ്യമന്ത്രി തരുണ്‍ ഗൊഗോയ്, ബിജെപിയുടെ മുഖ്യമന്ത്രി സ്ഥാനാര്‍ത്ഥി സര്‍ബാനന്ദ് സോനേവാള്‍ എന്നീ പ്രമുഖര്‍ ഇന്ന് ജനവിധി തേടുന്നു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.