കൊച്ചി: കേരളത്തിലെ ബിജെപിയുടെ വളര്ച്ച കണ്ട് വിറൡപൂണ്ട ഇടത് വലത് മുന്നണികള് കപടമതേതരത്വം വിളമ്പുകയാണെന്ന് ബിജെപി ജില്ലാ ജനറല് സെക്രട്ടറി അഡ്വ. കെ.എസ്. ഷൈജു പറഞ്ഞു. ബിജെപി കടവന്ത്ര ഏരിയാ കമ്മറ്റിയുടെ തെരഞ്ഞെടുപ്പ് കമ്മറ്റി ഓഫീസ് ഉദ്ഘാടനംചെയ്ത് സംസാരിക്കുകയായിരുന്നു അദ്ദേഹം. എല്ലാ മതത്തിലും വിശ്വസിക്കുന്ന ജനങ്ങളെയും ഉള്ക്കൊണ്ട് ജനങ്ങള്ക്കുവേണ്ടി പ്രവര്ത്തിക്കുന്ന രാഷ്ട്രീയപ്രസ്ഥാനമാണ് ബിജെപിയെന്ന് അദ്ദേഹം പറഞ്ഞു. ബിജെപി കടവന്ത്ര ഏരിയാ പ്രസിഡന്റ് രാമകൃഷ്ണന് കീഴുപ്പള്ളി അധ്യക്ഷത വഹിച്ചു. ജെയ്സണ് എളംകുളം (ന്യൂനപക്ഷമോര്ച്ച ജില്ലാ പ്രസി.), പി.ആര്. ഓമനക്കുട്ടന് (കര്ഷകമോര്ച്ച മണ്ഡലം പ്രസി.), ദിനില് ദിനേശ് (യുവമോര്ച്ച ജില്ലാ പ്രസി.), ടി. ബാലചന്ദ്രന് (കര്ഷകമോര്ച്ച സംസ്ഥാന സെക്രട്ടറി), വിനീത് ചിലവന്നൂര് (ഏരിയാ ജന.സെക്രട്ടറി), ബിജു ഗിരിനഗര്, കെ.കെ. പ്രകാശ്, മഹിളാമോര്ച്ച സെക്രട്ടറി ഉഷാദേവി എന്നിവര് സന്നിഹിതരായിരുന്നു.
പ്രതികരിക്കാൻ ഇവിടെ എഴുതുക: