നാവായിക്കുളം: നാവായിക്കുളം ഗ്രാമപഞ്ചായത്തിലെ പഞ്ചായത്തു സെക്രട്ടറിയുടെ ധാര്ഷ്ട്യത്തിനെതിരെ ബിജെപി നാവായിക്കുളം പഞ്ചായത്ത് കമ്മിറ്റി പ്രതിഷേധ മാര്ച്ച് നടത്തി. വാര്ഡ് മെമ്പര്മാര് പറയുന്ന കാര്യങ്ങള് പഞ്ചായത്ത് മിനിട്സില് ഉള്പ്പെടുത്തുകയോ രേഖപ്പെടുത്തുകയോ സെക്രട്ടറി ചെയ്യുന്നില്ല. പലതവണ മെമ്പര്മാര് ആവശ്യപ്പെട്ടിട്ടും മിനിട്സിന്റെ കോപ്പി ഇതുവരെയും ലഭ്യമാക്കിയിട്ടില്ല. കഴിഞ്ഞ ആറുമാസത്തെ മിനിട്സ് ഇതുവരെ രേഖപ്പെടുത്തുകപോലും ചെയ്തി
ട്ടില്ല. സെക്രട്ടറി സ്വന്തം ഇഷ്ടപ്രകാരമാണ് പഞ്ചായത്തില് പല കാര്യങ്ങളും ചെയ്യുന്നത്. ഇക്കഴിഞ്ഞദിവസം പഞ്ചായത്ത് ഉദേ്യാഗസ്ഥനെ സസ്പെന്റ് ചെയ്യുകയും തുടര്ന്ന് മുഴുവന് ഉദേ്യാഗസ്ഥരും പണിമുടക്ക് നടത്തുകയും ചെയ്തിരുന്നു. പ്രസിഡന്റിനെ നോക്കുകുത്തിയാക്കിയാണ് സെക്രട്ടറിയുടെ ഭരണം. സെക്രട്ടറിയുടെ നടപടിക്ക് എതിരെ മുഴുവന് ഉദേ്യാഗസ്ഥരും പ്രതിഷേധത്തിലാണ്. പഞ്ചായത്ത് മെമ്പര്മാരോടുള്ള സെക്രട്ടറിയുടെ പ്രതികാര നടപടി അവസാനിപ്പിക്കുക, പഞ്ചായത്തില് പുതിയ വാഹനം വാങ്ങിയതിലും ഓഫീസ് പെയിന്റിംഗ് നടത്തിയതിലും പഞ്ചായത്തിലെ മൂന്നാംനില നിര്മ്മാണത്തിലുള്ള അഴിമതി അനേ്വഷിക്കുക, പഞ്ചായത്തിലെ സാധനങ്ങള് വിറ്റത്, പഞ്ചായത്ത് ഇലക്ഷന് തുകയിലെ വെട്ടിപ്പ് എന്നിവ വിജിലന്സ് അനേ്വഷിക്കുക തുടങ്ങിയ ആവശ്യങ്ങളുന്നയിച്ചാണ് ബിജെപി മാര്ച്ച് നടത്തിയത്. ബിജെപി പഞ്ചായത്ത് പ്രസിഡന്റ് പൈവേലിക്കോണം ബിജുവിന്റെ അധ്യക്ഷതയില് കൂടിയ യോഗം സംസ്ഥാന സമിതിയംഗം ആലങ്കോട് ദാനശീലന് ഉദ്ഘാടനം ചെയ്തു. എന്ഡിഎ വര്ക്കല നിയോജകമണ്ഡലം സ്ഥാനാര്ത്ഥി അജി എസ്, ആര്.എം. നേതാക്കളായ കല്ലമ്പലം നകുലന്, നാവായിക്കുളം അശോകന്, കല്ലമ്പലം ഉല്ലാസ്, രാജീവ് മുല്ലനല്ലൂര്, ദീപ, സുനിത മോഹനന്, രവീന്ദ്രകുറുപ്പ് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: