ഇരിട്ടി: ഇരിട്ടി ടൗണിലെ ട്രാഫിക് പരിഷ്കരണം കര്ശനമായും കാര്യക്ഷമമാക്കാന് തീരുമാനം. ഇരിട്ടി ഫാല്ക്കന് പ്ലാസ ഓഡിറ്റോറിയത്തില് ഇരിട്ടി മുന്സിപ്പല് ചെയര്മാന് പി.പി.അശോകന് വിളിച്ചു ചേര്ത്ത യോഗത്തിലാണ് തീരുമാനമായത്.
മുമ്പ് ട്രാഫിക് പരിഷ്കരണത്തിനായി യോഗം ചേര്ന്ന് തീരുമാനമെടുത്തെങ്കിലും ഇത് വേണ്ടവിധം പ്രാവര്ത്തികമാക്കാന് കഴിഞ്ഞിരുന്നില്ല. അനധികൃത പാര്ക്കിംഗ് നിരോധിച്ചു കൊണ്ടും മറ്റും ടൗണിന്റെ വിവിധയിടങ്ങളില് ബോര്ഡുകള് സ്ഥാപിച്ചുവെങ്കിലും ഇപ്പോഴും ഇവിടങ്ങളില് അനധികൃത പാര്ക്കിംഗ് തുടരുകയാണ്. ഇത് പലപ്പോഴും വാഹനക്കുരുക്കിനും മറ്റും ഇടയാക്കുകയും ഇതിനെതിരെ പലകോണില് നിന്നും വ്യാപക പ്രതിഷേധങ്ങള് തുടരുകയും ചെയ്തതോടെയാണ് ഇപ്പോള് വീണ്ടും യോഗം വിളിച്ചിരിക്കുന്നത്. യോഗത്തില് ചെയര്മാനെ കൂടാതെ ഇരിട്ടി സിഐ വി.ഉണ്ണികൃഷ്ണന്, എസ്ഐ കെ.സുധീര്, നഗരസഭാ കൗണ്സിലര്മാര്, വ്യാപാരി, ഓട്ടോ, ടാക്സി, ചുമട്ടു തൊഴിലാളി സംഘടനാ നേതാകള് തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: