മരട്: വളന്തകാട് നിവാസികള് കാലങ്ങളായി അനുഭവിച്ചുവരുന്ന യാത്രാദുരിതമടക്കമുളള എല്ലാ വിഷയങ്ങളും കേന്ദ്രസര്ക്കാരിന്റെ ശ്രദ്ധയില്പ്പെടുത്തുമെന്നും ജനപ്രതിനിധിയായി തെരഞ്ഞെടുക്കപ്പെടുന്ന അവസരത്തില് വളന്തകാടിനെ നഗരവുമായി ബന്ധിപ്പിക്കുന്ന പാലം നിര്മ്മിക്കുമെന്നും ബിജെപി സ്ഥാനാര്ത്ഥി പ്രൊഫ.തുറവൂര് വിശ്വംഭരന് അറിയിച്ചു. വളന്തകാട് നിവാസികളുടെ സ്വീകരണം ഏറ്റുവാങ്ങി സംസാരിക്കുകയായിരുന്നു അദ്ദേഹം. ബിജെപി തൃപ്പൂണിത്തുറ നിയോജകമണ്ഡലം ജനറല് സെക്രട്ടറി കെ.എസ്. സുബീഷ്, തപസ്യകലാസാഹിത്യവേദി സംസ്ഥാന പൊതുകാര്യദര്ശി സതീശ് ബാബു, തെരഞ്ഞെടുപ്പ് ചുമതല വഹിക്കുന്ന എന്. വിജയകുമാര്, കെ.ജി. ശ്രീകുമാര്, ചന്ദ്രന്, ബിജെപി മരട് മുനിസിപ്പല് സമിതി അദ്ധ്യക്ഷന് എം. നന്ദനന്, എന്.കെ. വത്സന്, എം.ആര്.എസ്. മേനോന്, സുബ്രഹ്മണ്യന്. ടി.ബി, കെ.പി. അശോകന്, ടി.ബി. സുധാകരന് എന്നിവര് വളന്തകാടിലെ ഭവനങ്ങള് സന്ദര്ശിച്ചു.
തുടര്ന്ന് ഏരൂര് ക്ഷേത്ര ദര്ശനം നടത്തി. എരൂരിലെ വ്യാപാര സ്ഥാപനങ്ങളിലും വീടുകളിലും സ്ഥാനാര്ത്ഥി വോട്ട് അഭ്യര്ഥിച്ചെത്തി. വൈകീട്ട് മറൈന് ഡ്രൈവില് നടന്ന എന്ഡിഎ കണ്വന്ഷനിലും തുറവൂര് വിശ്വംഭരന് സന്ദര്ശനം നടത്തി.
പ്രതികരിക്കാൻ ഇവിടെ എഴുതുക: