പൊന്കുന്നം: മീനഭരണി ഉത്സവദിനമായ ശനിയാഴ്ച സ്ഥാനാര്ഥികളുടെ പര്യടനം ഉത്സവപ്പറമ്പുകളിലൂടെ. ക്ഷേത്രദര്ശനവും വോട്ടുതേടലും ഒന്നിച്ചുനടന്നു. കാഞ്ഞിരപ്പള്ളിയിലെ യുഡിഎഫ് സ്ഥാനാര്ഥി ഡോ. എന്. ജയരാജ് പൊങ്കാലയുത്സവം നടന്ന പൊന്കുന്നം പുതിയകാവില് ദര്ശനം നടത്തി. ഭക്തരെ കണ്ട് വോട്ടഭ്യര്ഥിക്കുകയും ചെയ്തു. ബിജെപി സ്ഥാനാര്ഥി വി.എന്. മനോജിന്റെ പര്യടനം തുടങ്ങിയത് ആലപ്ര തച്ചരിക്കല് ക്ഷേത്രത്തില് നിന്നായിരുന്നു. തുടര്ന്ന് തമ്പലക്കാട് മഹാകാളിപാറ ക്ഷേത്രത്തിലെ ആഘോഷച്ചടങ്ങുകളിലേക്കായിരുന്നു യാത്ര. ബിജെപി പ്രവര്ത്തകര്ക്കൊപ്പം ഉത്സവപ്പറമ്പില് വോട്ടര്മാരെ കണ്ട് വോട്ടുതേടി. പാലാ നിയോജകമണ്ഡലത്തിലെ ബിജെപി സ്ഥാനാര്ഥി എന്. ഹരി മീനഭരണി ഉത്സവം നടക്കുന്ന എലിക്കുളം ഭഗവതി ക്ഷേത്രത്തില് നിന്നാണ് ശനിയാഴ്ച പര്യടനം തുടങ്ങിയത്.
പ്രതികരിക്കാൻ ഇവിടെ എഴുതുക: