വോട്ടിനെക്കുറിച്ചും തെരഞ്ഞെടുപ്പിനെക്കുറിച്ചും അറിയാത്തവരാണോ ഈ മലയാളികള്? എത്ര തെരഞ്ഞെടുപ്പുകളില് അരയും തലയുമ മുറുക്കി വോട്ടു ചെയ്തവരാണ് ഇവരെന്നറിയാത്തവരാണോ സര്ക്കാരിന്റെ സ്വീപ് സംഘം? ഇവരുടെ പ്രവര്ത്തനം കണ്ടാല് അങ്ങനെയേ തോന്നൂ. കാരണം സര്ക്കാരിന്റെ തെരഞ്ഞെടുപ്പ് ദൗത്യവുമായി ഇവര് ഓരോ മണ്ഡലങ്ങളിലും എത്തി കാട്ടിക്കൂട്ടുന്നതു കണ്ടാല് ഉള്ളതു പറയാല്ലോ…. ഉറിയും ചിരിച്ചുപോകും.
സംഗീതക്കച്ചേരി കേള്പ്പിച്ചാല് വോട്ടുചെയ്യുമെന്ന് ഇവരോട് ആരാണ് പറഞ്ഞത്. അതല്ല, കളരി, കാക്കാരിശി നാടകം, ഓട്ടന്തുളഅളല് തുടങ്ങിയ പരമ്പരാഗത കലാരൂപങ്ങള് അവതരിപ്പിച്ചാല് കണ്ണടച്ച് വോട്ടു ചെയ്യുന്നവരാണ് മലയാളികളെന്ന് സര്ക്കാരിന്റെ സ്വീപുകാര് വിശ്വസിച്ചോ? അല്ലെങ്കില് ഒരുസംഘം ആള്ക്കാര് വന്ന് എന്തെങ്കിലും കാട്ടിയിട്ട് സമ്മതിദാനം, പൗരധര്മ്മം, ഞാന് വോട്ടുചെയ്യും, നിങ്ങളും വോട്ടു ചെയ്യണമെന്നൊക്കെ പറഞ്ഞില്ലെങ്കില് മലയാളികള് വോട്ടു ചെയ്യാന് പോകില്ലോ? എന്തരോ…… എന്തോ…. ഇനിയും എന്തരൊക്കെ കാണണം. എന്റെ ശിവനേ…………
ചേര്ത്തലയില് ചെന്നപ്പോള് സ്വീപ്പുകാര് വോട്ടര്മാരെ സംഗീതക്കച്ചേരി കാട്ടി, അമ്പലപ്പുഴയില് എത്തിയപ്പോള് കളരിപ്പയറ്റായി, ഇനിയും കുട്ടനാട്ടിലും ചെങ്ങന്നൂരിലും എത്തുമ്പോള് ഈ സ്വീപ്പുകാര് എന്തുകാട്ടും? വള്ളംകളി നടത്തുമായിരിക്കും. ഹരിപ്പാട്ട് എത്തുമ്പോള് വേലകളിയും മാവേലിക്കരയിലും കായംകുളത്തും എത്തുമ്പോള് കുത്തിയോട്ടവും തോറ്റംപാട്ടുമായിരിക്കും വോട്ടുചെയ്യിക്കാന് സര്ക്കാരിന്റെ ഈ സ്വീപുകാര് കാണിക്കുന്നത്. ഇതിന്റെ പേരില് സര്ക്കാരിന്റെ ഖജനാവിലെ പണം ചെലവഴിച്ചെന്നുമാകും, ചിലരുടെ കീശകള് നിറഞ്ഞെന്നുമാകും.
ജനങ്ങളെ വിഡ്ഢികളാക്കിയെന്നുമാകും. ഇതാണ് പറയുന്നത് ദീപസ്തംഭം മഹാശ്ചര്യം നമുക്കും കിട്ടണം പണം.
പ്രതികരിക്കാൻ ഇവിടെ എഴുതുക: