മലപ്പുറം: മലപ്പുറം ജില്ലയിലെ രണ്ടത്താണിയില് പാചകവാതക ടാങ്കര് മറിഞ്ഞു. മംഗലാപുരത്ത് നിന്ന് പാചകവാതകവുമായി വന്ന ടാങ്കറാണ് അപകടത്തില് പെട്ടത്. അപകടത്തില് ടാങ്കറിന്റെ ഡ്രൈവര്ക്ക് പരിക്കേറ്റു.
അപകടത്തെ തുടര്ന്ന് ദേശീയപാതയില് ഗതാഗതം തടസപ്പെട്ടു. പുലര്ച്ചെ ആയിരുന്നു അപകടം. ഡ്രൈവര് ഉറങ്ങിപ്പോയതാണ് അപകട കാരണമെന്ന് കരുതുന്നു. വാതക ചോര്ച്ചയുണ്ടെന്ന സംശയത്തെ തുടര്ന്ന് സംഭവസ്ഥലത്തുനിന്ന് ജനങ്ങളെ ഒഴിപ്പിച്ചു. തുടര്ന്ന് നടത്തിയ പരിശോധനയില് വാതക ചോര്ച്ചയില്ലെന്ന് ഉറപ്പ് വരുത്തി.
പോലീസും അഗ്നിശമനസേനയും സ്ഥലത്തെത്തിയിട്ടുണ്ട്. ടാങ്കറിലെ പാചകവാതകം മറ്റൊരു ടാങ്കറിലേക്ക് മാറ്റാനുള്ള ശ്രമവും തുടങ്ങിയിട്ടുണ്ട്.
പ്രതികരിക്കാൻ ഇവിടെ എഴുതുക: