കോട്ടയം: കേന്ദ്രസര്ക്കാര് ആവിഷ്ക്കരിച്ച ജനക്ഷേമ പദ്ധതികളും ജില്ലയിലെ ഓരോ നിയമസഭാ മണ്ഡലത്തിലും നടപ്പാകകാന് ഉദ്ദേശിക്കുന്ന പദ്ധതികളും ഉള്പ്പെടുത്തിക്കൊണ്ടുള്ള വീഡിയോ പ്രദര്ശനവുമായി ദേശീയ ജനാധിപത്യ സഖ്യത്തി#്#റെ വിജയരഥങ്ങളുടെ പ്രചരണത്തിന് ജില്ലയില് ഉജ്ജ്വല തുടക്കം. വീഡിയോ പ്രദര്ശനം ഉള്പ്പെടെ സജ്ജീകരിച്ചിരിക്കുന്ന അഞ്ച് വിജയരഥമാണ് ജില്ലയില് പര്യടനം നടത്തുന്നത്. പരസ്യപ്രചരണം അവസാനിക്കുന്നത് വരെ ജില്ലയിലെ ഓരോ മണ്ഡലങ്ങളുടെയും മുഴുവന് ബൂത്തുകളിലും ഇത് പ്രയാണം നടത്തും. ബിജെപി ഭരിക്കുന്ന സംസ്ഥാനങ്ങളിലെ വിജയമാതൃകകളും, കേന്ദ്രം ആവിഷ്കരിച്ച ജനക്ഷേമ പദ്ധതികലും പ്രശസ്ത സിനിമ ഗാനങ്ങളുടെ അകമ്പടിയോടെയാണ് വിജയരഥത്തില് പ്രദര്ശിപ്പിക്കുക.
എല്ലാ ദിവസവും രാവിലെ 9ന് ജില്ലയിലെ വിവിധ മണ്ഡലങ്ങളില് വിജയരഥം പ്രയാണം ആരംഭിക്കും. വിജയരഥത്തിന്റെ ജില്ലയിലെ പര്യടനത്തിന്റെ ഉദ്ഘാടനം ബിജെപി ജില്ലാ വൈസ് പ്രസിഡന്റ് പി.ജി. ബിജുകുമാര് തിരുനക്കരയില് നിര്വ്വഹിച്ചു. ബിഡിജെഎസ് നിയോജകമണ്ഡലം പ്രസിഡന്റ് അഡ്വ. ശാന്താറാം തോളൂര് അദ്ധ്യക്ഷത വഹിച്ചു. ന്യൂനപക്ഷമോര്ച്ച സംസ്ഥാന സെക്രട്ടറി കോര സി. ജോര്ജ്ജ്, കര്ഷകമോര്ച്ച ജില്ലാ പ്രസിഡന്റ് ജയപ്രകാശ് വാകത്താനം, സി.എന്. സുഭാഷ്, കുസുമാലയം ബാലകൃഷ്ണന്, റ്റി.എന്. ഹരി, നാസ്സര് റാവുത്തര്, റീബ വര്ക്കി എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: