കായംകുളം: അര്ദ്ധരാത്രിയില് മാരകായുധങ്ങളുമായി എത്തിയ സിപിഎം പ്രവര്ത്തകര് ബിജെപി പ്രവര്ത്തകയുടെ വീടിന് നേരെ ആക്രമണം നടത്തി. വീടിന്റെ മുന്നില് കിടന്ന കാര് അടിച്ചു തകര്ത്തു.
പത്തിയൂര് കിഴക്ക് ആമ്പാടിയില് ലതാരമേശിന്റെ വീട്ടിലാണ് ആക്രമണം നടത്തിയത്. കഴിഞ്ഞ ദിവസം രാത്രിയോടെ ഒരു സംഘമാളുകള് രമേശിന്റെ വീടിനുമുന്നിലെത്തി ഭീക്ഷണി മുഴക്കുകയും പുറത്തിറങ്ങി വരാന് ആവശ്യപ്പെടുകയും ചെയ്തു. തുടര്ന്ന് അക്രമാസ്ക്തരായ സി.പി.എം സംഘം കാര് തല്ലിതകര്ക്കുകയായിരുന്നു.
സംഭവം കണ്ട് നിലവിളിച്ചതോടെ നാട്ടുകാര് സംഘടിക്കുയും ഇതോടെ അക്രമികള് ബൈക്കില് രക്ഷപ്പെട്ടു. ബി.ജെ.പി മേഖലാ വൈസ്.പ്രസിഡന്റ് കൂടിയാണ് ലത.കഴിഞ്ഞ തദ്ദേശ തെരഞ്ഞെടുപ്പില് പത്തിയൂര് പഞ്ചായത്തില് 9 വാര്ഡില് ബി.ജെ.പി സ്ഥാനാര്ത്ഥിയായി മത്സരിച്ചിരുന്നു.
അന്ന് മുതലേ സി.പി.എം ലതയെ ഭീക്ഷണിപ്പെടുത്തിയിരുന്നു. മത്സരത്തില് സി.പി.എം തോറ്റതും ശത്രുത വര്ദ്ധിക്കാന് കാരണമായെന്ന് ലത പറയുന്നു.കഴിഞ്ഞ ദിവസം ലതയുടെ ഭര്ത്താവും മെക്കാനിക്കുമായ രമേശ് അറ്റകുറ്റ തകരാര് പരിഹരിക്കാന് വേണ്ടിയാണ് കാര് വീട്ടിലെത്തിച്ചത്.
സംഭവമറിഞ്ഞ് ബിജെപി മണ്ഡലം പ്രസിഡന്റ് കെ.ജയചന്ദ്രന്പിള്ള, ബിഡിജെഎസ് കണ്ടല്ലൂര് രാജേന്ദ്രന്പിള്ള, എന്ഡിഎ സ്ഥാനാര്ത്ഥി ഷാജി എം. പണിക്കര് തുടങ്ങിയവര് സംഭവസ്ഥലം സന്ദര്ശിച്ചു. കായംകുളം പൊലീസ് അന്വേഷണം ആരംഭിച്ചു.
സിപിഎം അക്രമം: എന്ഡിഎ പ്രതിഷേധിച്ചു
കായംകുളം: പത്തിയൂര് പഞ്ചായത്ത് കിഴക്കന് മേഖല വൈസ് പ്രസിഡന്റും കഴിഞ്ഞ തദ്ദേശ സ്വയംഭരണ തെരഞ്ഞെടുപ്പില് ബിജെപി സ്ഥാനാര്ത്ഥിയായി മത്സരിക്കുകയും ചെയ്ത ശ്രീമതി ലതാ രമേശിന്റെ കാര് സാമൂഹ്യ വിരുദ്ധര് തകര്ത്തതില് ബിജെപി ,ബിഡിജെഎസ് കായംകുളം നിയോജക മണ്ഡലം കമ്മിറ്റികള് ശക്തമായ പ്രതിഷേധം രേഖപ്പെടുത്തി. എന്ഡിഎ സ്ഥനാര്ത്ഥിയുടെ പ്രവര്ത്തനത്തിലും സ്വീകാര്യതയിലും വിരളി പൂണ്ടവരായിരിക്കാം ഇതിന് പിന്നില്ലെന്ന സംശയിക്കുന്നതായും ഇത്തരം പ്രവൃത്തികളിലൂടെ പ്രവര്ത്തകരുടെ ആത്മവീര്യത്തെ കെടുത്താനാണ് ശ്രമമെന്നും ബിജെപി മണ്ഡലം കമ്മിറ്റി വിലയിരുത്തി.
വിവധ സ്ഥലങ്ങളില് തുടര്ച്ചയായിട്ടുണ്ടാകുന്ന ഇത്തരം സംഭവങ്ങളില് പ്രത്യേകിച്ചും സംഘ പരിവാര് പ്രവര്ത്തകരെ കേന്ദ്രീകരിച്ചാണ് നടക്കുന്നത് എന്നുള്ളത് ഏറെ ഗൗരവത്തോടെ കണ്ട് പോലീസ് സത്വര നടപടികള് സ്വീകരിക്കണമെന്നും അല്ലാത്ത പക്ഷം ബിജെപിയു#െട നേതൃത്വത്തില് എന്ഡിഎ പ്രതിഷേധ സമര പരിപാടികളിലേക്ക് കടക്കുമെന്നും അറിയിച്ചു. ശ്രീമതി ലതാ രമേശിന്റെ വീട് ബിജെപി നിയോജക മണ്ഡലം പ്രസിഡന്റ് കെ.ജയചന്ദ്രന്പിള്ള, ബിഡിജെഎസ് മണ്ഡലം പ്രസിഡന്റ് കണ്ടല്ലൂര് രാജേന്ദ്രന് പിള്ള , എന്ഡിഎ സ്ഥാനാര്ത്ഥി ഷാജി.എം.പണിക്കര്, റജി മാവനാല് എന്നിവര് സന്ദര്ശിച്ചു.
പ്രതികരിക്കാൻ ഇവിടെ എഴുതുക: