അയര്ക്കുന്നം: ഇടത്-വലത് മുന്നണികള് കാണിക്കുന്നത് കപട ദളിത് സ്നേഹമാണെന്നും ദളിതര് ഏറ്റവും കൂടുതല് പീഠനങ്ങളും അതിക്രമങ്ങളും നേരിടുന്നത് കേരളത്തിലാണെന്നും ബിജെപി മദ്ധ്യമേഖലാ പ്രസിഡന്റ് അഡ്വ. നാരായണന് നമ്പൂതിരി പറഞ്ഞു.
പുതുപ്പള്ളി നിയോജകമണ്ഡലത്തിലെ എന്ഡിഎ തെരഞ്ഞെടുപ്പ് കണ്വെന്ഷന് ഉദ്ഘാടനം ചെയ്തു സംസാ രിക്കുകയായിരുന്നു അഡ്വ.നാരായണന് നമ്പൂതിരി. അട്ടപ്പാടി ഉള്പ്പെടെയുള്ള ആദിവാസി കോളനികളിലെ പട്ടിണി മരണങ്ങള്ക്ക് ഇടത്-വലത് മുന്നണികള് ഒരുപോലെ കുറ്റക്കാരാണെന്നും അദ്ദേഹം കൂട്ടിച്ചേര്ത്തു. സമ്മേളനത്തില് ബിജെപി പുതുപ്പള്ളി നിയോജകണ്ഡലം പ്രസിഡന്റ് കൃഷ്ണകുമാര് നീറിക്കാട് അദ്ധ്യക്ഷത വഹിച്ചു. എന്ഡിഎ സ്ഥാനാര്ത്ഥി അഡ്വ ജോര്ജ്ജ് കുര്യന്, കര്ഷക മോര്ച്ച സംസ്ഥാന പ്രസിഡന്റ് പി.ആര്.മുരളീധരന്, ബിഡിജെഎസ് ജില്ലാ സെക്രട്ടറി വി.എം.ശശി, കേരള കോണ്ഗ്രസ് മണ്ഡലം പ്രസിഡന്റ് ജോസ് പന്തപ്പള്ളില്, അഡ്വ.നോബിള് മാത്യു, പി.എന്.ശിവരാമന് നായര്, എം.എം.കൃഷ്ണന്കുട്ടി, എന്ഡിഎ സ്വാഗതസംഘം കണ്വീനര് ഫാദര് വര്ഗീസ് വടക്കേക്കര, അനൂപ് പയ്യപ്പാടി, മിനി നന്ദകുമാര് , ഹരിപ്രസാദ്, ഉണ്ണി പുഷ്പവിലാസം, പ്രിന്സ് മാത്യു, രാജേന്ദ്രകുമാര്, രാജേഷ് വാകത്താനം, രവീന്ദ്രന്, ആര്. സര്ജ്ജു, എ.ബി.രാധാകൃഷ്ണന്, ജയപ്രകാശ് വാകത്താനം തുടങ്ങിയവര് സമ്മേളനത്തില് സംസാരിച്ചു.
പ്രതികരിക്കാൻ ഇവിടെ എഴുതുക: