നെയ്യാറ്റിന്കര: നിയമസഭാ തെരഞ്ഞെടുപ്പില് ബിജെപിയുടെ വിജയത്തില് ഇടതു വലതു മുന്നണികളിലെ വോട്ടര്മാരുടെ സഹായം ഉണ്ടാകുമെന്ന് മുന് സംസ്ഥാന പ്രസിഡന്റ് വി. മുരളീധരന്. ഇടതിന്റെയും വലതിന്റെയും നേതൃത്വത്തിന്റെ നെറികെട്ട ഭരണത്തെ തള്ളികളഞ്ഞ സാധാരണക്കാരായ പ്രവര്ത്തകരുടെ വോട്ടാണ് ബിജെപിക്ക് സഹായമാകുന്നത്. ബിജെപി നെയ്യാറ്റിന്കര നിയോജക മണ്ഡലം സ്ഥാനാര്ത്ഥി പുഞ്ചക്കരി സുരേന്ദ്രന്റെ തെരഞ്ഞെടുപ്പ് കണ്വന്ഷന് ഉദ്ഘാടനം ചെയ്യുകയായിരുന്നു അദ്ദേഹം. ബിജെപിയുടെ നിര്ണ്ണായക വളര്ച്ചയെ ഭയക്കുകയാണ് ഇരുമുന്നണികളും. കഴിഞ്ഞ കാലങ്ങളിലെ തെരഞ്ഞെടുപ്പില് നിന്നും വ്യത്യസ്തമായി ശക്തമായ ത്രികോണ മത്സരമാണ് സംസ്ഥാനത്തുടനീളം നടക്കുന്നതെന്നും മുരളീധരന് പറഞ്ഞു. നെയ്യാറ്റിന്കര മണ്ഡലം പ്രസിഡന്റ് എന്.പി. ഹരി അദ്ധ്യക്ഷത വഹിച്ചു. ജില്ലാ പ്രസിഡന്റ് അഡ്വ എസ് സുരേഷ്, സ്ഥാനാര്ത്ഥി പുഞ്ചക്കരി സുരേന്ദ്രന്, ബിഡിജെഎസ് തിരുവനന്തപുരം ജില്ലാ വൈസ് പ്രസിഡന്റ് ചൂഴാല് നിര്മ്മലന്, ജില്ലാ സെക്രട്ടറി കൊറ്റാമം ജയകുമാര്, തെരഞ്ഞെടുപ്പ് കണ്വീനര് അതിയന്നൂര് ശ്രീകുമാര്, ബിജെപി സംസ്ഥാന കമ്മിറ്റി ഭാരവാഹികളായ നടരാജന്, പാറശാല ബാലചന്ദ്രന്, ചെങ്കല് ഋഷികേശന്, മണ്ഡലം ജന: സെക്രട്ടറിമാരായ മഞ്ചത്തല സുരേഷ്, അഡ്വ: പൂഴികുന്ന് ശ്രീകുമാര്, നേതാക്കളായ മണലൂര് സുരേഷ്, ശ്രീകുമാരി, ചന്ദ്രകിരണ്, രഞ്ചിത്ത് ചന്ദ്രന്, ശ്രീകുമാര്, അശോകന്, മണി, മോഹന്ദാസ്, ഷൗക്കത്തലി തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: