കുട്ടനാട്: കേരളത്തില് വികസനം നടന്നത് പാലായിലും മലപ്പുറത്തും മാത്രമാണെന്ന് ഹിന്ദു ഐക്യവേദി സംസ്ഥാന ഉപാദ്ധ്യക്ഷ പി.ജി. ശശികല. എന്ഡിഎ കുട്ടനാട് മണ്ഡലം സ്ഥാനാര്ത്ഥി സുഭാഷ് വാസുവിന്റെ പ്രചരണാര്ത്ഥം സംഘടിപ്പിച്ച സ്ത്രീശക്തി സംഗമം കിടങ്ങറയില് ഉദ്ഘാടനം ചെയ്യുകയായിരുന്നു അവര്. ഇടതും വലതും മതപ്രീണനം നടത്തി ജനങ്ങളെ തമ്മലടിപ്പിച്ചാണ് ഇത്രയും നാള് ഭരണം തുടര്ന്നത്. ഇതിന് ഒരു അവസാനം ഉണ്ടായേ തീരൂ. ഇത്തവണ എന്ഡിഎ ശക്തി തെളിയിക്കുമെന്ന് അവര് പറഞ്ഞു.
കുട്ടനാടിനെ ഇരുമുന്നണികളും മാറി മാറി പ്രതിനിധീകരിച്ചെങ്കിലും വികസനം മാത്രമുണ്ടായില്ല. കുട്ടനാട് പാക്കേജുപോലും ഇവര് തകര്ത്തു. നാടിന്റെ വികസനത്തിന് എന്ഡിഎയുടെ പ്രതിനിധി കുട്ടനാടിന് ഉണ്ടാകണമെന്നും ശശികല പറഞ്ഞു.
എന്ഡിഎ കുട്ടനാട് വനിതാ സ്ക്വാഡ് ചെയര്പേഴ്സണ് ജയ അജയകുമാര് അദ്ധ്യക്ഷത വഹിച്ചു. സ്ഥാനാര്ത്ഥി സുഭാഷ് വാസു, കണ്വീനര് വിധു പ്രസാദ്, ബിജെപി ജില്ല സെക്രട്ടറി ടി.കെ. അരവിന്ദാക്ഷന്, പി. ബൈജു, എം.ആര്. സജീവ്, പുഷ്പ ശശികുമാര്, ഡി. പ്രസന്നകുമാര്, കെ. ഉല്ലാസ്, സുഭാഷ് തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: