ആലപ്പുഴ: നിയമസഭാ തിരഞ്ഞെടുപ്പില് മത്സരിക്കുന്നവര് ഫോം നമ്പര് 2ബിയിലാണ് നാമനിര്ദ്ദേശ പത്രിക സമര്പ്പിക്കേണ്ടത്. തെരഞ്ഞെടുപ്പ് വിജ്ഞാപനത്തില് പറഞ്ഞിട്ടുള്ള സ്ഥലങ്ങളില് സ്ഥാനാര്ഥിക്കോ നാമനിര്ദ്ദേശകനോ പത്രിക സമര്പ്പിക്കാം. ഒരു സ്ഥാനാര്ഥിക്ക് പരമാവധി നാലു പത്രികകള് നല്കാം.
നാമനിര്ദ്ദേശപത്രികക്കൊപ്പം ഫോറം 26 ല് തയ്യാറാക്കിയ രണ്ട് സത്യവാങ്മൂലവും നല്കണം. ഫസ്റ്റ് ക്ലാസ് മജിസ്ട്രേറ്റ്, നോട്ടറി, ഹൈക്കോടതി നിയമിച്ചിട്ടുള്ള കമ്മീഷന് ഓഫ് ഓത്സ് മുമ്പാകെ നടത്തിയ സത്യവാങ്മൂലമാണ് നല്കേണ്ടത്.
സ്ഥാനാര്ത്ഥിയോടൊപ്പം പരമാവധി നാലു പേര്ക്ക് വരണാധികാരിയുടെ അല്ലെങ്കില് ഉപവരണാധികാരിയുടെ ഓഫീസില് പ്രവേശിക്കാം. നോമിനേഷന് ഫോമില് എല്ലാ കോളങ്ങളും പൂരിപ്പിക്കണം. സ്ഥാനാര്ത്ഥി മറ്റൊരു നിയോജകമണ്ഡലത്തില് നിന്നുള്ളയാളാണെങ്കില് വോട്ടര് പട്ടികയുടെ സാക്ഷ്യപ്പെടുത്തിയ പ്രസക്ത ഭാഗം നാമനിര്ദേശപത്രികക്കൊപ്പം സമര്പ്പിക്കണം.
അംഗീകൃത രാഷ്ട്രീയ പാര്ട്ടിയുടെ സ്ഥാനാര്ത്ഥിക്ക് ഒരു നാമനിര്ദ്ദേശകനും മറ്റുള്ളവര്ക്ക് പത്ത് നാമനിര്ദ്ദേശകരും ഉണ്ടായിരിക്കണം. നാമനിര്ദ്ദേശകന് അതേ നിയോജകമണ്ഡലത്തിലെ വോട്ടറായിരിക്കണം.
നാമനിര്ദ്ദേശപത്രികയോടൊപ്പം സെക്യൂരിറ്റി ഡെപ്പോസിറ്റായി പൊതുവിഭാഗത്തില്പെടുന്നവര് 10,000 രൂപയും പട്ടികജാതി/പട്ടിക വര്ഗ വിഭാഗത്തില്പെടുന്നവര് 5,000 രൂപയും അടക്കണം. നോമിനേഷന് ഫീസ് 8,443 – ഇകഢകഘ ഉഋജഛടകഠട 121 ഉഋജഛടകഠട കച ഇഛചചഋഇഠകഛച ണകഠഒ ഋഘഋഇഠകഛചട – 1 – ഉഋജഛടകഠട ങഅഉഋ ആഥ ഇഅചഉകഉഅഠഋട എഛഞ ടഠഅഠഋ/ഡചകഛച ഠഋഞഞകഠഛഞകഋട ഘഋഏകടഘഅഠഡഞഋട എന്ന ശീര്ഷകത്തില് ട്രഷറിയില് ഒടുക്കി ചെലാന് ഹാജരാക്കണം. സെക്യൂരിറ്റി ഡെപ്പോസിറ്റ് ചെക്കായി സ്വീകരിക്കില്ല. പട്ടികജാതി, പട്ടികവര്ഗ വിഭാഗങ്ങളില്പെട്ടവര് ബന്ധപ്പെട്ട ഉദ്യോഗസ്ഥന് നല്കിയ ജാതി സര്ട്ടിഫിക്കറ്റ് ഹാജരാക്കണം.
തെരഞ്ഞെടുപ്പ് സംബന്ധമായ പണമിടപാടുകള്ക്കായി സ്ഥാനാര്ത്ഥി നാമനിര്ദ്ദേശ പത്രിക സമര്പ്പിക്കുന്നതിന് ഒരു ദിവസം മുമ്പെങ്കിലും ബാങ്ക് അക്കൗണ്ട് തുറക്കുകയും നാമനിര്ദ്ദേശപത്രിക സമര്പ്പിക്കുമ്പോള് അക്കൗണ്ട് നമ്പര് വരണാധികാരിയെ അറിയിക്കുകയും വേണം.
നാമനിര്ദ്ദേശം ചെയ്യപ്പെടുന്നയാളുടെ രണ്ട് സ്റ്റാമ്പ് സൈസ് ഫോട്ടോകളും (2 ത 2.5 സെ.മി) സ്പെസിമെന് സിഗ്നേച്ചറും ഹാജരാക്കണം.
പ്രതികരിക്കാൻ ഇവിടെ എഴുതുക: