കോതമംഗലം: തെരഞ്ഞെടുപ്പില് പുതിയ രാഷ്ട്രീയചരിത്രം കുറിച്ച് എന്ഡിഎ സഖ്യം അധികാരത്തിലേറുമെന്ന് കേന്ദ്രമന്ത്രി രാജീവ് പ്രതാപ് റൂഡി പറഞ്ഞു. എന്ഡിഎ കോതമംഗലം നിയോജകമണ്ഡലം തെരഞ്ഞെടുപ്പ് കണ്വെന്ഷന് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മറ്റ് രാഷ്ട്രീയപാര്ട്ടികളെ അപേക്ഷിച്ച് ബിജെപി വ്യത്യസ്ത പാര്ട്ടിയാണ്. ബിജെപിയില് ആര്ക്കുവേണമെങ്കിലും പ്രധാനമന്ത്രി പദത്തിലെത്താം. അതിന് ഏറ്റവും നല്ല ഉദാഹരണമാണ് ചായവില്പ്പനക്കാരനായിരുന്ന നരേന്ദ്ര മോദി ഭാരതത്തിന്റെ പ്രധാനമന്ത്രി പദത്തിലെത്തിയതെന്നും അദ്ദേഹം പറഞ്ഞു.
കണ്വെന്ഷനില് ബിജെപി നിയോജകമണ്ഡലം പ്രസിഡന്റ് ഇ.ടി. നടരാജന് അദ്ധ്യക്ഷത വഹിച്ചു. ബിജെപി സംസ്ഥാന സെക്രട്ടറി എ.കെ.നസീര് ആമുഖ പ്രഭാഷണവും കേരള കോണ്ഗ്രസ്സ് ചെയര്മാന് പി.സി.തോമസ് മുഖ്യപ്രഭാഷണവും നടത്തി. ബിജെപി മദ്ധ്യമേഖല ജനറല് സെക്രട്ടറി എന്.പി. ശങ്കരന്കുട്ടി, ബിഡിജെഎസ് ജില്ലാ പ്രസിഡന്റ് അഡ്വ.ജയപ്രകാശ്, ബിജെപി ജില്ലാ സെക്രട്ടറി എം.എ. ബ്രഹ്മരാജ്, ബിജെപി സംസ്ഥാന സമിതിയംഗം പി.പി. സജീവ്, ബിഡിജെഎസ് നിയോജകമണ്ഡലം പ്രസിഡന്റ് പി.എ. സോമന്, ബിഡിജെഎസ് ജില്ലാ സെക്രട്ടറി അജി നാരായണന്, തെരഞ്ഞെടുപ്പ് കമ്മറ്റി കണ്വീനര് എം.എന്. ഗംഗാധരന്, അഹമ്മദ് തോട്ടത്തില്, ബിജോയ് ജോസഫ്, സജി തുരുത്തിക്കുന്നേല് എന്നിവര് സംസാരിച്ചു. കേരള കോണ്ഗ്രസ്സ് (പിസി) മണ്ഡലം പ്രസിഡന്റ് സ്വാഗതവും സ്വീകരണത്തിന് സ്ഥാനാര്ത്ഥി പി.സി. സിറിയക് നന്ദി പറഞ്ഞു.
മൂവാറ്റുപുഴ: മൂവാറ്റുപുഴ നിയോജകമണ്ഡലം എന്ഡിഎ കണ്വെന്ഷന് കേന്ദ്രമന്ത്രി രാജീവ് പ്രതാപ് റൂഡി ഉദ്ഘാടനം ചെയ്തു. ബിജെപി നിയോജകമണ്ഡലം തയ്യാറാക്കിയ വികസന പദ്ധതികള് ഉള്പ്പെട്ട വികസനരേഖ എന്ഡിഎ തെരഞ്ഞെടുപ്പ് കമ്മറ്റി ചെയര്മാന് പി.എന്.പ്രഭയ്ക്ക് നല്കി കേന്ദ്രമന്ത്രി പ്രകാശനം ചെയ്തു. സ്ഥാനാര്ത്ഥി അഡ്വ. പി.ജെ. തോമസിന് കെട്ടിവയ്ക്കുവാനുള്ള തുക മഹിളാമോര്ച്ച നേതാക്കളായ രേഖാ പ്രഭാത്, മിനി ജയരാജ്, സിനി ശിവന്, ലത ഗംഗാധരന് എന്നിവര് മന്ത്രിയുടെ സാന്നിധ്യത്തില് കൈമാറി.
പ്രസിഡന്റ് കെ.കെ.ദിലീപ്കുമാര് അദ്ധ്യക്ഷതവഹിച്ചു. കേരള കോണ്ഗ്രസ്സ് ചെയര്മാനും മുന് കേന്ദ്രമന്ത്രിയുമായ പി.സി.തോമസ് മുഖ്യപ്രഭാഷണം നടത്തി. കര്ഷക മോര്ച്ച സംസ്ഥാന പ്രസിഡന്റ് പി.ആര്.മുരളീധരന്, വ്യവസായ സെല് സംസ്ഥാന കണ്വീനര് എന്.അജിത്ത്, ബിഡിജെഎസ് ജില്ലാ പ്രസിഡന്റ് എ.ബി.ജയപ്രകാശ്, മുനിസിപ്പല് കൗണ്സിലര്മാരായ അഡ്വ. പി.പ്രേംചന്ദ്, ബിന്ദുസുരേഷ് കുമാര്, വാളകം പഞ്ചായത്ത് മെമ്പര് സീമ അശോക്, കേരള കോണ്ഗ്രസ്സ് നേതാക്കളായ സജി തുരുത്തിക്കുന്നേല്, അഹമ്മദ് തോട്ടത്തില്, ബിജെപി-ബിഡിജെഎസ് ജില്ലാ മണ്ഡലം നേതാക്കളായ സരള പൗലോസ്, കെ.അജിത്ത്കുമാര്, എന്.ജി.വിജയന്, സെബാസ്റ്റ്യന് മാത്യു, കെ.എന്.അജീവ്, എ.എസ്.ബിജുമോന്, വി.സി.സാജു, എം.വി.ബിനു, മോര്ച്ച ഭാരവാഹികളായ പുരുഷോത്തമന് കാക്കനാട്ട്, ആര്.ജയറാം, സി.എന്.മനോജ്, കെ.പി.തങ്കക്കുട്ടന് എന്നിവര് സംസാരിച്ചു. മണ്ഡലം ജനറല് സെക്രട്ടറി ടി.ചന്ദ്രന് സ്വാഗതവും ബിഡിജെഎസ് പ്രസിഡന്റ് എം.എസ്.വിത്സണ് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: