കൊച്ചി: സാമൂഹ്യക്ഷേമ പ്രവര്ത്തനങ്ങള്ക്ക് മുന്ഗണന നല്കിയുള്ള വികസനമാണ് ലക്ഷ്യമെന്ന് എറണാകുളം നിയോജകമണ്ഡലം ബിജെപി സ്ഥാനാര്ഥി എന്.കെ. മോഹന്ദാസ്. ഡോ. ജോസഫ് മാര്ത്തോമ മെത്രാപ്പോലീത്ത, ഡോ. ഐസക് മാര് പീലിക്സിനോസ് എന്നിവരുമായി നടത്തിയ കൂടിക്കാഴ്ച്ചക്ക് ശേഷം പ്രതികരിക്കുകയായിരുന്നു അദ്ദേഹം. കക്ഷി രാഷ്ട്രീയ നേട്ടത്തിനല്ല, സമൂഹ നന്മയ്ക്കാണ് പ്രവര്ത്തിക്കേണ്ടതെന്ന് മതമേലധ്യക്ഷന്മാര് സ്ഥാനാര്ഥിയോട് പറഞ്ഞു. നിലവിലുള്ള രാഷ്ട്രീയ ശൈലി മാറ്റങ്ങള്ക്ക് യത്നിക്കണമെന്നും ഇരുവരും പറഞ്ഞു.
പാവക്കുളം ക്ഷേത്രത്തില് നടന്ന പൊങ്കാല സമര്പ്പണ ചടങ്ങില് മോഹന്ദാസ് പങ്കെടുത്തു. പാവക്കുളത്ത് മനശക്തി കൗന്സലിങ്ങ് കേന്ദ്രം ഭാരവാഹികളുമായി അദ്ദേഹം ചര്ച്ച നടത്തി. വൈകിട്ട് തേവര, കോന്തുരുത്തി ഭാഗങ്ങളില് ഗൃഹസന്ദര്ശനം നടത്തി. പൗരപ്രമുഖരെ നേരില് കണ്ടും അദ്ദേഹം വോട്ട് അഭ്യര്ഥിച്ചു.
പ്രതികരിക്കാൻ ഇവിടെ എഴുതുക: