പാനൂര്: സംഘപ്രസ്ഥാനങ്ങളെ വളര്ത്തിയെടുക്കുന്നതില് മുഖ്യപങ്കുവഹിച്ച പഴയകാല പ്രവര്ത്തകര് പുതുതലമുറയ്ക്ക് മാതൃകയാകണമെന്ന് വിഎച്ച്പി സംസ്ഥാന സെക്രട്ടറി ടി.രാജശേഖരന് പറഞ്ഞു. പാനൂര് യുപി സ്ക്കൂളില് നടന്ന പ്രൗഢസംഗമം ഉദ്ഘാടനം ചെയ്തുസംസാരിക്കുകയായിരുന്നു അദ്ദേഹം. കേരളജനത സമൂലമായ പരിവര്ത്തനത്തിന് ആഗ്രഹിക്കുന്ന സാഹചര്യമാണ് നിലവിലുളളത്. കാലഘട്ടത്തിന്റെ ആവശ്യമായ ഈ മാറ്റത്തിനു വേണ്ടി പ്രവര്ത്തിക്കാന് പ്രൗഢസ്വയംസേവകര് മുന്നിരയിലുണ്ടാവണം. അഴിമതിയും, അക്രമവുമായി നടക്കുന്ന ഇരുമുന്നണികളെയും മാറ്റി പുതിയൊരു സര്ക്കാര് അധികാരത്തില് വരേണ്ടത് അത്യാവശ്യമാണ്. അതിനായി കൂട്ടായ്മയോടെ എല്ലാവരും പ്രവര്ത്തിക്കണമെന്നും അദ്ദേഹം പറഞ്ഞു. ആര്എസ്എസ് താലൂക്ക് സംഘചാലക് എന്.കെ.നാണു മാസ്റ്റര് അദ്ധ്യക്ഷത വഹിച്ചു. കെ.കെ.ചന്ദ്രന്, എം.വത്സലന്, ടി.നിജേഷ് എന്നിവര് പ്രസംഗിച്ചു. വിജിത്ത്കുമാര് സ്വാഗതവും, സി.മനോജ് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: