വുഹാന്: ഏഷ്യന് ബാഡ്മിന്റണ് ചാമ്പ്യന്ഷിപ്പില് ഇന്ത്യന് താരം സൈന നേവാള് ക്വാര്ട്ടര് ഫൈനലില്. അതേസമയം, പി.വി. സിന്ധുവിന് തോല്വി. വനിതകളില് അഞ്ചാം സീഡ് സൈന തായ്ലന്ഡിന്റെ നിഷാണ് ജിന്ഡാപോളിനെ കീഴടക്കി, സ്കോര്: 21-14, 21-18. തായ് താരത്തിനെതിരെ ഏഴാം ജയമാണ് സൈന കുറിച്ചത്.
മൂന്നാം സീഡ് ചൈനയുടെ ഷിസിയാന് വാങ്ങാണ് ക്വാര്ട്ടര് എതിരാളി. ഇരുതാരങ്ങളും 13 തവണ ഏറ്റുമുട്ടിയപ്പോള് ഏഴ് തവണയും ഷിസിയാന് ജയം കണ്ടു. കഴിഞ്ഞ രണ്ട് കളികളിലും സൈന തോറ്റു.
ചൈനീസ് തായ്പേയിയുടെ തായ് സു യിങ്ങിനോടാണ് പി.വി. സിന്ധു തോറ്റത്, സ്കോര്: 21-13, 20-22, 8-21. മത്സരം ഒരു മണിക്കൂറിലധികം നീണ്ടു. ചാമ്പ്യന്ഷിപ്പില് ഇനി ഇന്ത്യയുടെ ഏക പ്രതീക്ഷ സൈന.
പ്രതികരിക്കാൻ ഇവിടെ എഴുതുക: