മാന്നാര്: മാറ്റത്തിന്റെ മാറ്റൊലി മുഴക്കി മാന്നാറില് മുന്നൂറോളം എല്ഡിഎഫ്- യുഡിഎഫ് പ്രവര്ത്തകര് ബിജെപിയിലേക്ക്. മെയ് ഒന്നിന് വൈകിട്ട് മൂന്നിന് മാന്നാര് പാവുകര എംജിഎം ഓഡിറ്റോറിയത്തില് നടക്കുന്ന സമ്മേളനത്തില് ഇവര് ബിജെപി അംഗത്വം സ്വീകരിക്കും. ബിജെപി ജില്ലാ പ്രസിഡന്റ് കെ.സോമന് അദ്ധ്യക്ഷത വഹിക്കുന്ന യോഗം ദേശീയ സമതിയംഗം അല്ഫോന്സ് കണ്ണത്താനം ഉദ്ഘാടനം ചെയ്യും.
ചെങ്ങന്നൂര് നിയോജക മണ്ഡലം സ്ഥാനാര്ത്ഥി അഡ്വ.പി.എസ്. ശ്രീധരന്പിള്ള, നിയോജക മണ്ഡലം പ്രസിഡന്റ് സജു ഇടക്കല്ലില്,മാന്നാര് പഞ്ചായത്ത് ബിജെപി അംഗങ്ങള് തുടങ്ങിയവര് ചടങ്ങില് പങ്കെടുക്കും. പതിറ്റാണ്ടുകളായി ഇടതു വലതു കക്ഷികളില് നിന്നും നേരിട്ട അവഗണനയാണ് ഇത്തരത്തിലുള്ള മാറ്റം ഉണ്ടായിരിക്കുന്നത്. വികസനമെന്ന ലക്ഷ്യം മുന്നില് കണ്ടു കൊണ്ട് ജനങ്ങള്ക്ക് ഒപ്പം നില്കുന്ന കേന്ദ്രസര്ക്കാരിന്റെ ഭരണ നേട്ടങ്ങള് രാജ്യത്തെ പുരോഗതിയിലേക്ക് നയിക്കുമെന്നും ബിജെപിയില് അംഗത്വം എടുക്കുന്നവര് പറഞ്ഞു. സമ്മേളനത്തിനു മുന്നോടിയായി പ്രകടനം നടത്തുമെന്നും ബിജെപി ഭാരവാഹികള് പറഞ്ഞു.
പ്രതികരിക്കാൻ ഇവിടെ എഴുതുക: