തിരുവനന്തപുരം: ബിജെപി തിരുവനന്തപുരം നിയോജക മണ്ഡലത്തിലെ സ്ഥാനാര്ത്ഥി എസ്. ശ്രീശാന്തിന്റെ തെരഞ്ഞെടുപ്പ് കമ്മിറ്റി ഓഫീസ് സിപിഎം ഗുണ്ടകള് അടിച്ചുതകര്ത്തു. കിള്ളിപ്പാലം ജംങ്ഷനിലുള്ള ബിജെപി തെരഞ്ഞെടുപ്പ് കമ്മിറ്റി ഓഫീസാണ് സിപിഎമ്മിന്റെ സജീവ പ്രവര്ത്തകനും സിഐടിയു ഓട്ടോ തൊഴിലാളി യൂണിയന് അംഗവുമായ പാടശ്ശേരി സനലിന്റെ നേതൃത്വത്തില് പത്തോളം സിപിഎം ഗുണ്ടകള് ഇന്നലെ രാത്രി 1 മണിക്ക് വെളുത്ത ബൊലേറോയിലെത്തി അടിച്ചു തകര്ത്തത്. തൊട്ടടുത്ത് സിസി ടിവി ക്യാമറ ഉള്ളതിനാല് പ്രതികളെ തിരിച്ചറിയാന് സാധിക്കും എന്നറിഞ്ഞു കൊണ്ടുതന്നെയാണ് താനിത് ചെയ്തതെന്നും ബിജെപിക്കാരെ ഇനി ഇവിടെ പ്രവര്ത്തിക്കാന് അനുവദിക്കില്ലെന്നും സനല് വെല്ലുവിളിച്ചു. ശ്രീശാന്തിന്റെ ഫഌക്സ് ബോര്ഡുകളും പോസ്റ്ററുകളും മണ്ഡലത്തില് വ്യാപകമായി
നശിപ്പിക്കുകയാണ്. തൈക്കാട്, വഴുതയ്ക്കാട് ഭാഗങ്ങളില് ഉള്ള കോണ്ഗ്രസ്സ് അനുഭാവികളും ഇത്തരത്തില് വ്യാപകമായി പ്രചാരണ സാമഗ്രികള് നശിപ്പിക്കുന്നുണ്ട്. പരാജയ ഭീതി പൂണ്ട ഇടതു വലതു മുന്നണികളുടെ ഇത്തരത്തിലുള്ള നീചമായ പ്രവര്ത്തികളെ ജനം തിരിച്ചറിയുമെന്നും നിയമ നടപടിയുമായി മുന്നോട്ടു പോകുമെന്നും ബിജെപി മണ്ഡലം പ്രസിഡന്റ് ശ്രീവരാഹം വിജയന് അറിയിച്ചു.
പ്രതികരിക്കാൻ ഇവിടെ എഴുതുക: