കോഴിക്കോട്: കോഴിക്കോട് നോര്ത്ത് മണ്ഡലം എന്ഡിഎ സ്ഥാനാര്ത്ഥി കെ.പി. ശ്രീശന്റെ വിജയമുറപ്പിക്കാന് മഹിളാ മോര്ച്ച വാഹന പ്രചാരണ ജാഥ നടത്തി . മഹിളാ മോര്ച്ച നോര്ത്ത് മണ്ഡലം കമ്മിറ്റിയുടെ ആഭിമുഖ്യത്തിലാണ് ഇന്നലെ വാഹന പ്രചാരണജാഥ നടത്തിയത്. രാവിലെ തൊണ്ടയാട് ജംഗ്ഷനില് നിന്നാരംഭിച്ച ജാഥ ബിജെപി ജില്ലാ വൈസ് പ്രസിഡന്റ് പി. രമണിഭായ് ജാഥാ ക്യാപ്റ്റന് കോര്പ്പറേഷന് കൗണ്സിലര് ജിഷ ഗിരീഷിന് പാര്ട്ടി പതാക കൈമാറി ഉദ്ഘാടനം ചെയ്തു. കേന്ദ്രത്തില് മോദി സര്ക്കാര് നടപ്പാക്കുന്ന ജനക്ഷേമപദ്ധതികള് സംസ്ഥാനത്തും നടപ്പാക്കണമെങ്കില് എന്ഡിഎ കേരളത്തിലും അധികാരത്തില് വരണമെന്ന് അവര് അഭിപ്രായപ്പെട്ടു. നിയമസഭാതെരഞ്ഞെടുപ്പില് എന്ഡിഎ നിര്ണ്ണായക ശക്തിയാകുമെന്ന കാര്യം തീര്ച്ചയാണ്. ഈ സാഹചര്യത്തില് കോഴിക്കോട് നോര്ത്തില് നിന്ന് എന്ഡി എ സ്ഥാനാര്ത്ഥിയെ നിയമസഭയില് എത്തിക്കണമെന്നും അതിനായി ജനങ്ങളുടെ പൂര്ണ്ണ പിന്തുണ ആവശ്യമാണെന്നും അവര് കൂട്ടിച്ചേര്ത്തു.
മഹിളാമോര്ച്ച മണ്ഡലം പ്രസിഡന്റ് ശോഭാ സുരേന്ദ്രന് ചടങ്ങില് അദ്ധ്യക്ഷത വഹിച്ചു. സ്ഥാനാര്ത്ഥി കെ.പി. ശ്രീശന്, ബിജെപി ജില്ലാ പ്രസിന്റ് ടി.പി. ജയചന്ദ്രന് മാസ്റ്റര്, മുന് കോര്പ്പറേഷന് കൗണ്സിലര് സി.എസ്. സത്യഭാമ തുടങ്ങിയവര് സംസാരിച്ചു. മണ്ഡലം ജനറല് സെക്രട്ടറി സുജാത കൃഷ്ണകുമാര് സ്വാഗതവും പ്രസന്ന നന്ദിയും പറഞ്ഞു. ചേവായൂര്, മായനാട്, ചെലവൂര്, പാറോപ്പടി, തണ്ണീര്പന്തല്, നെല്ലിയാംപതി പാലം, ഭട്ട് റോഡ്, കാമ്പുറം, കണ്ണന്കടവ്, വണ്ടിപ്പേട്ട, എരഞ്ഞിപ്പാലം എന്നിവിടങ്ങളിലെ സ്വീകരണത്തിനുശേഷം കിഴക്കന് തിരുത്തിയില് സമാപിച്ചു. സമാപന സമ്മേളനം ബിജെപി ജില്ലാ ട്രഷറര് ടി.വി. ഉണ്ണികൃഷ്ണന് ഉദ്ഘാടനം ചെയ്തു. മഹിളാ കോണ്ഗ്രസ് മണ്ഡലം പ്രസിഡന്റ് സ്ഥാനം രാജിവെച്ച് ബിജെപിയില് ചേര്ന്ന പി.കെ. ശുഭലതാ രമേശിനെ ബിജെപി ജില്ലാ വൈസ് പ്രസിഡന്റ് പി. രമണിഭായി ഷാള് അണിയിച്ച് സ്വീകരിച്ചു. വിവിധ കേന്ദ്രങ്ങളില് നല്കിയ സ്വീകരണങ്ങളില് പി. രമണിഭായ്, ജിഷ ഗിരീഷ്, ശോഭാ സുരേന്ദ്രന്, സി.എസ്. സത്യഭാമ, ശോഭാ രാജന്, സബിത, മിനി, രമണി, ഇന്ദിര, ബിന്ദുപ്രഭാകര്, ദീപാ ടി. മണി, ഷീജ, ശശികല, സുജാത, സരള മോഹന് ദാസ് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: