ആലപ്പുഴ: യുഡിഎഫിന് ഭീഷണിയുയര്ത്തി മൂന്ന് നിയോജകമണ്ഡലങ്ങളില് റിബല് സ്ഥാനാര്ത്ഥികള്. ചെങ്ങന്നൂര്, കുട്ടനാട്, അമ്പലപ്പുഴ മണ്ഡലങ്ങളിലാണ് റിബല് സ്ഥാനാര്ത്ഥികളുള്ളത്. ചെങ്ങന്നൂരില് കോണ്ഗ്രസിന്റെ പി.സി. വിഷ്ണുനാഥിന് റിബലായി രംഗത്തള്ളത് മുന് എംഎല്എകൂടിയായ ശോഭനാ ജോര്ജാണ്. ശോഭനയുടെ സ്ഥാനാര്ത്ഥിത്വം കോണ്ഗ്രസിന് കടുത്ത ഭീഷണിയാണ് ഉയര്ത്തുന്നത്.കുട്ടനാട്ടില് കേരളാ കോണ്ഗ്രസ് എം. സ്ഥാനാര്ത്ഥി അഡ്വ. ജേക്കബ് എബ്രഹാമിന് റിബലായി ജോസ് കോയിപ്പള്ളിയാണ് രംഗത്തുള്ളത്. നെല്കര്ഷക യൂണിയന്റെയും കേരളാ കോണ്ഗ്രസിന്റെയും സംസ്ഥാന നേതാവായിരുന്നു ജോസ് കോയിപ്പള്ളി. അമ്പലപ്പുഴ മണ്ഡലത്തില് ജനതാദളിന്റെ ഷേയ്ക്ക് പി. ഹാരിസിന് റിബലായി രംഗത്തുള്ളത് ഐഎന്ടിയുസി നേതാവ് നാസര് എം പൈങ്ങാമഠമാണ്. നാലുമണ്ഡലങ്ങളില് അപരന്മാരും രംഗത്തുണ്ട്. ഹരിപ്പാട്ട് സിപിഐ സ്ഥാനാര്ത്ഥിക്കും കായംകുളത്ത് കോണ്ഗ്രസ് സ്ഥാനാര്ത്ഥിക്കും കുട്ടനാട്ടില് കേരളാ കോണ്ഗ്രസ് എം സ്ഥാനാര്ത്ഥിക്കും ചേര്ത്തലയില് കോണ്ഗ്രസ് സ്ഥാനാര്ത്ഥിക്കുമാണ് ഓരോ റിബലുകള് വീതം മത്സരരംഗത്തുള്ളത്.
പ്രതികരിക്കാൻ ഇവിടെ എഴുതുക: