തൃപ്പൂണിത്തുറ: ബിജെപി സ്ഥാനാര്ഥി പ്രൊഫ.തുറവൂര് വിശ്വംഭരന്റെ വാഹന പര്യടനത്തിന് ഉജ്ജ്വല തുടക്കം. പുതിയകാവ് ക്ഷേത്ര പരിസരത്ത് നിന്നാരംഭിച്ച വാഹന പ്രചാരണ ജാഥ വൈക്കം റോഡ് വഴി പൂത്തോട്ടയിലെത്തി എം എല് എ റോഡ് വഴി ത്രിരിച്ചെത്തിയപ്പോള് 22 കേന്ദ്രങ്ങളില് സ്ഥാനാര്ഥിക്ക് ഉജ്ജ്വല സ്വീകരണം ലഭിച്ചു.
ബി ഡി ജെ എസ് ജില്ലാ പ്രസിഡന്റ് സി.ആര്. ജയപ്രകാശ് ഉദ്ഘാടനം ചെയ്തു. ബി ജെ പി ജില്ലാ ജനറല് സെക്രട്ടറി എം എന് മധു, സംസ്ഥാന സമിതിയംഗം കെ പി സുബ്രഹ്മണ്യന്, ബി ഡി ജെ എസ് നിയോജകമണ്ഡലം പ്രസിഡന്റ് പി സി ബിബിന്, തെരഞ്ഞെടുപ്പ് കമ്മിറ്റി ജനറല് കണ്വീനര് യു മധുസൂദനന്,പി സി തോമസ് എന്നിവര് പ്രസംഗിച്ചു. 22 കേന്ദ്രങ്ങളിലെയും സ്വീകരണത്തിന് തുറവൂര് വിശ്വംഭരന് നന്ദി പറഞ്ഞു. നിരവധി വാഹനങ്ങളുടെ അകമ്പടിയോടെയുള്ള വാഹന പ്രചാരണ ജാഥ ഇന്ന് ഇടക്കൊച്ചിയില് നിന്ന് പര്യടനം തുടങ്ങി പെരുമ്പടപ്പില് സമാപിക്കും.
സ്ഥാനാര്ഥിയുടെ പ്രചാരണത്തിന്റെ ഭാഗമായുള്ള നമോ വികസന രഥം പ്രയാണം തുടരുകയാണ്. ഇന്നലെ, പുതിയകാവില് നിന്ന് എരൂരിലേക്കായിരുന്നു മോഡി ഭരണ നേട്ടങ്ങള് വിശദീകരിക്കുന്ന രഥ പ്രയാണം. പാവന്കുളങ്ങര, ശ്രീനിവാസ കോവില്, മേക്കര എന്നിവിടങ്ങളില് രഥം പ്രയാണം നടത്തി. ബി ജെ പി സംസ്ഥാന സമിതിയംഗം അഡ്വ. കെ വി സാബു പ്രയാണം ഉദ്ഘാടനം ചെയ്തു. മോഡി ഭരണ നേട്ടങ്ങളും വിവിധ പദ്ധതികളും വിശദീകരിച്ച് കെ വി സുദേവന്, പി എസ് രാഹുല് തുടങ്ങിയവര് പ്രസംഗിച്ചു.
എരൂര്, തൃപ്പൂണിത്തുറ മധ്യ മേഖല, ചക്കംകുളങ്ങര എന്നിവിടങ്ങളില് പ്രൊഫ. തുറവൂര് വിശ്വംഭരന് ഗൃഹ സമ്പര്ക്കം നടത്തി.
പ്രതികരിക്കാൻ ഇവിടെ എഴുതുക: