കോട്ടയം: പ്രധാനമന്ത്രി നരേന്ദ്രമോദിയുടെ പ്രത്യേക നിര്ദ്ദേശപ്രകാരം ഒരു തൊഴിലാളിക്ക് ഒരു പ്രോവിഡന്റ്ഫണ്ട് അക്കൗണ്ടും ആജീവനാന്ത അംഗത്വവും നല്കുന്ന പദ്ധതിക്ക് തുടക്കമായതായി എംപ്ലോയിസ് പ്രോവിഡന്റ്ഫണ്ട് ഓര്ഗനൈസേഷന് കോട്ടയം റീജിയണല് അസി. പിഎഫ് കമ്മീഷണര് മാത്യു പാലയ്ക്കല് ഏബ്രഹാം അറിയിച്ചു. പദ്ധതിയുടെ ഭാഗമായി ഇപിഎഫ് അംഗത്വമു ള്ള തൊഴിലാളികള് തങ്ങളുടെ ജോലി ഒരു സ്ഥാപനത്തില്നിന്നും മറ്റൊന്നിലേക്ക് മാറുമ്പോള് പി എഫ് അംഗത്വം തുടരുന്നതിന് സഹായകമാകുന്നതാണ് യൂണിവേഴ്സല് അക്കൗണ്ട് നമ്പര് (യുഎഎന്) പദ്ധതി.
2014 ജനുവരിക്ക് ശേഷം തൊഴിലാളിയോ തൊഴിലുടമയോ വിഹിതം അടച്ചിട്ടുള്ള തൊഴിലാളിക്ക് യുഎഎന് നമ്പര് അനുവദിച്ചിട്ടുണ്ട്. ഒരു തൊഴിലാളി ഒരുസ്ഥാപനത്തില് പുതുതായി ജോലിയി ല് പ്രവേശിക്കുമ്പോള് ആ വ്യക്തിക്ക് യൂണിവേവ്സല് നമ്പര് മുമ്പ് അനുവദിച്ചിട്ടുള്ളതാണോയെന്ന് സത്യവാങ്മൂലം നല്കണമെന്ന് എല്ലാ തൊഴല് ഉടമകള്ക്കും നിര്ദ്ദേശം നല്കിയിട്ടുണ്ട്. തൊഴിലാളികള് അവരുടെ എല്ലാ പിഎഫ് അക്കൗണ്ടുകളും യൂണിവേഴ്സല് അക്കൗണ്ട് നമ്പരുമായി ബന്ധിപ്പിക്കേണ്ടതാണ്.
കൂടാതെ തൊഴിലാളികളുടെ തിരിച്ചറിയല് രേഖകളായ ആധാര്നമ്പര്, പാന്നമ്പര്, ബാങ്ക് അക്കൗണ്ട് നമ്പര് എന്നിവയും യൂണിവേഴ്സല് അക്കൗണ്ട് നമ്പറുമായി ബന്ധിപ്പിക്കേണ്ടതാണ്.
ആധാര്നിയമം 2016 പ്രകാരം ആധാര് പ്രാഥമിക തിരിച്ചറിയല് രേഖകളുടെ ഗണത്തില് പെടുത്തിയിട്ടുണ്ട്. ആധാര് ബന്ധിപ്പിച്ചുള്ള യൂണിവേഴ്സല് അക്കൗണ്ട് നമ്പറുള്ള തൊഴിലാളികള്ക്ക് തൊഴിലുടമയുടെ ഒപ്പ് അല്ലെങ്കില് സാക്ഷ്യപ്പെടുത്തല് ഇല്ലാതെ തന്നെ നേരിട്ട് പിഎഫ് ആനുകൂല്ല്യങ്ങള്ക്ക് അപേക്ഷിക്കാവുന്നതാണ്. ഒരേ തൊഴിലാളിതന്നെ വിവിധ സ്ഥാപനങ്ങലില് ജോലി ചെയ്തിരുന്നപ്പോള് ഉണ്ടായിരുന്ന പിഎഫ് അക്കൗണ്ട് നമ്പറുകള് സംയോജിപ്പിച്ച് ഒരു തൊഴിലാളിക്ക് ഒരൊറ്റ ഇപിഎഫ് അക്കൗണ്ട് എന്ന അവസ്ഥ സൃഷ്ടിക്കുന്നതിലൂടെ ആജീവനാന്തകാലം പിഎഫ് തുടരുന്നതിനും മുഴുവന് സേവന കാലയളവ് പരിഗണിച്ച് കൂടിയ പിഎഫ്-പെന്ഷന്-ഇന്ഷ്വറന്സ് ആനുകൂല്ല്യങ്ങള് ലഭിക്കുന്നതാണ്
പ്രതികരിക്കാൻ ഇവിടെ എഴുതുക: