ബേപ്പൂര്: ദേശീയ ജനാധിപത്യ സഖ്യത്തിന്റെ ബേപ്പൂര് മണ്ഡലത്തിലെ തെരഞ്ഞെടുപ്പ് പ്രവര്ത്തനങ്ങള്ക്ക് കരുത്ത് പകരാന് മലയാളത്തിലെ മഹാനടി കവിയൂര് പൊന്നമ്മയെത്തി. ഇന്നലെ ബേപ്പൂര് ബിസി റോഡില് സംഘടിപ്പിച്ച സ്ത്രീശക്തി സംഗമം കവിയൂര് പൊന്നമ്മ ഉദ്ഘാടനം ചെയ്തു. സംഗമത്തില് ആയിരങ്ങള് അണിചേര്ന്നു. മണ്ഡലത്തിന്റെ വിവിധ ഭാഗങ്ങളില് നിന്നായി ഒഴുകിയെത്തിയ വനിത കൂട്ടായ്മകള് ബേപ്പൂര് മണ്ഡലത്തിന്റെ വിധിയെഴുത്ത് തിരുത്തിക്കുറിക്കുന്നതിന്റെ വിളംബരമായി മാറി. ഡോ. ഹെന വര്മ്മ അധ്യക്ഷത വഹിച്ച സംഗമം ഉദ്ഘാടനം ചെയ്തുകൊണ്ട് കേരളത്തില് രാഷ്ട്രീയമാറ്റത്തിന് തുടക്കം കുറിച്ചുകൊണ്ട് ബിജെപി സ്ഥാനാര് ത്ഥികളെ വിജയിപ്പിക്കണമെന്ന് കവിയൂര് പൊന്നമ്മ ആവശ്യപ്പെട്ടു. മുതിര്ന്ന ബിജെപി നേതാവ് അഹല്യ ശങ്കറിന്റെ സാന്നിധ്യം വനിതാകൂട്ടായ്മക്ക് ആവേശമേകി. കോണ്ഗ്രസില് നിന്ന് രാജിവെച്ച് ബിജെപിയില് ചേര്ന്ന മുന് കോഴിക്കോട് കോര്പ്പറേഷന് കൗണ്സിലര് സി.എ. എസ്. സത്യഭാമ കവിയൂര് പൊന്നമ്മയെ പൊന്നാടയണിയിച്ചു. അഹല്യശങ്കറിനെ കൗണ്സിലര് ഷൈമ പൊന്നത്ത് പൊന്നാടയണിയിച്ചു. സ്ഥാനാര്ത്ഥി കെ.പി. പ്രകാശ്ബാബു, ജയപ്രകാശ് കായണ്ണ, ടി.പി.സുരേഷ്, സ്മിത ഗിരീഷ്, വസന്ത പരമേശ്വരന്, കൗണ്സിലര്മാ രായ പ്രതീഷ്കുമാര്, തോട്ടപ്പായി അനില്കുമാര്, ബിജെപി നേതാക്കളായ സിദ്ധാര്ത്ഥന്, സ്മിത ഗിരീഷ്, അഡ്വ. രമ്യമുരളി തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: