വിളപ്പില്: കാട്ടാക്കട മണ്ഡലം എന്ഡിഎ സ്ഥാനാര്ത്ഥി പി.കെ. കൃഷ്ണദാസ് ഒന്നാംഘട്ട പര്യടനം പൂര്ത്തിയാക്കി. ഇന്നു മുതല് പര്യടനത്തിന്റെ രണ്ടാം ഘട്ടം ആരംഭിക്കും. കാട്ടാക്കട മണ്ഡലത്തിലെ ആറു പഞ്ചായത്തുകളിലും പര്യടനം നടത്തിയാണ് ഒന്നാം ഘട്ടം ഇന്നലെ പുര്ത്തിയാക്കിയത്.
വിളവൂര്ക്കല് പഞ്ചായത്തിലെ കുണ്ടമണ്ഭാഗത്തു നിന്നാണ് ഇന്നലെ പര്യടനം ആരംഭിച്ചത്. കുണ്ടമണ്ഭാഗം ദേവീക്ഷേത്രത്തില് ദര്ശനം നടത്തിയ ശേഷമാണ് കൃഷ്ണദാസ് പര്യടന രഥത്തില് കയറിയത്. നൂറുകണക്കിന് ബൈക്കുകളില് പാര്ട്ടി പതാകയേന്തി പ്രവര്ത്തകര് സ്ഥാനാര്ഥിയെ അനുഗമി
ച്ചു. 38 പ്രധാന കേന്ദ്രങ്ങളില് ആവേശോജ്വല സ്വീകരണങ്ങള് ഏറ്റുവാങ്ങി പൊറ്റയില് ജംഗ്ഷനിലാണ് പര്യടനം അവസാനിച്ചത്.
രണ്ടാംഘട്ട പര്യടനം ഇന്ന് വൈകിട്ട് 3.30 ന് കാട്ടാക്കട പഞ്ചായത്തിലെ കട്ടയ്ക്കോട് നിന്ന് ആരംഭിക്കും. 27 കേന്ദ്രങ്ങളില് സ്വീകരണങ്ങള് ഏറ്റുവാങ്ങി ചൂണ്ടുപലകയില് പര്യടനം സമാപിക്കും. ബിജെപി ജില്ലാ സെക്രട്ടറി മുക്കംപാലമൂട് ബിജു, മണ്ഡലം പ്രസിഡന്റ് ജി. രാധാകൃഷ്ണന് നായര്, ജില്ലാ കമ്മറ്റി അംഗങ്ങളായ പേയാട് വേണുഗോപാല്, സി.എസ്. അനില് എന്നിവര് പര്യടനത്തിലുടനീളം സ്ഥാനാര്ഥിക്ക് ഒപ്പമുണ്ടാകും.
പ്രതികരിക്കാൻ ഇവിടെ എഴുതുക: