വര്ക്കല: വര്ക്കല മണ്ഡലത്തിലെ വോട്ടര്മാരുടെ മനസ്സിനെ എന്ഡിഎയ്ക്ക് അനുകൂലമാക്കി സിനിമാനടന് സുരേഷ്ഗോപി എം.പിയുടെ റോഡ്ഷോ. വര്ക്കലയിലെ എന്ഡിഎ സ്ഥാനാര്ത്ഥി അജി എസ്ആര്എമ്മിന്റെ തെരഞ്ഞെടുപ്പ് പ്രചാരണത്തിന്റെ ഭാഗമായാണ് സുരേഷ്ഗോപി റോഡ് ഷോ നടത്തിയത്. ഇന്നലെ രാവിലെ 10.15 ന് നാവായിക്കുളം ശങ്കരനാരായണസ്വാമി ക്ഷേത്രത്തിന് മുന്നില് ആര്എസ്എസ് ജില്ലാ കാര്യവാഹ് കൈലാസം സുരേഷിനോടൊപ്പം വന്നിറങ്ങിയ സുരേഷ്ഗോപി എം.പിയെ സ്ഥാനാര്ത്ഥി അജി എസ്ആര്എമ്മിനോടൊപ്പം ബിജെപി ദേശീയ സമിതി അംഗം വെള്ളാഞ്ചിറ സോമശേഖരന് നായര് സ്വീകരിച്ചു. ജില്ലാ വൈസ് പ്രസിഡന്റുമാരായ കല്ലയം വിജയകുമാര്, ഇലകമണ് സതീശന്, മണ്ഡലം പ്രസിഡന്റ് കോവിലകം മണികണ്ഠന്, ബിഡിജെഎസ് മ
ണ്ഡലം പ്രസിഡന്റ് കല്ലമ്പലം നകുലന്, ആലംങ്കോട് ദാനശീലന്, മടവൂര് സന്തോഷ്, ചാവര്ക്കോട് ഹരിലാല്, വില്ലിക്കടവ് സുനില്, അനില് വെട്ടൂര്, പ്രസാദ് പ്ലാവഴികം തുടങ്ങിയവര് സ്വീകരണത്തിന് നേതൃത്വം നല്കി. ബിജെപി- ബിഡിജെഎസ് നേതാക്കളോടൊപ്പം നൂറുകണക്കിന് പ്രവര്ത്തകര് പങ്കെടുത്തു. തുടര്ന്ന് തുറന്ന വാഹനത്തില് സുരേഷ്ഗോപിയും സ്ഥാനാര്ത്ഥി അജി എസ്ആര്എമ്മും റോഡ് ഷോ ആരംഭിച്ചു.
വര്ക്കല മണ്ഡലത്തില് സ്ഥലം എംഎല്എയെ തോല്പ്പിക മാത്രമല്ല ലക്ഷ്യമെന്നും വന്ഭൂരിപക്ഷത്തില് അജിയെ വിജയിപ്പിച്ച് നിയമസഭയില് എത്തുന്നതിനുള്ള അവസരം ഓരോ വോട്ടോര്മാരും വിനിയോഗിക്കണമെന്നും അദ്ദേഹം ആവശ്യപ്പെട്ടു. തട്ടുപാലം, കല്ലമ്പലം, ഞെക്കാട്, പാലച്ചിറ, പുത്തന് ചന്തവഴി നൂറുകണക്കിന് ഇരുചക്രവാഹനങ്ങളുടെയും കാറുകളുടെയും അകമ്പടിയോടെ മൈതാനം ജംഗ്ഷനില് സമാപിച്ചു. സിനിമയില് മാത്രം കണ്ടിട്ടുള്ള സൂപ്പര്താരത്തെ കാണാന് കല്ലമ്പലത്തും, വര്ക്കല മൈതാനത്തും വന്ജനാവലിയായിരുന്നു.
പ്രതികരിക്കാൻ ഇവിടെ എഴുതുക: