മുതുകുളം: ചിങ്ങോലി ജോസ് ഭവനത്തില് ദാമോദരന്റെ(65) വീടിന്റെ അടുക്കളയോട് ചേര്ന്ന് നിന്നിരുന്ന ഓട് മേഞ്ഞ ഷെഡാണ് പൂര്ണ്ണമായും കത്തിനശിച്ചത്. തിങ്കളാഴ്ച രാത്രി 11 മണിയോടെയാണ് സംഭവം. വീടിന് പുറകിലായി വലിയ ശബ്ദം കേട്ട് പുറത്തിറങ്ങി നോക്കിയപ്പോളാണ് ഷെഡില് തീ പടരുന്നത് കണ്ടത്. ഉടന് തന്നെ വീട്ടുകാരും അയല്വാസികളും ചേര്ന്ന് തൊട്ടടുത്തുളള കിണറ്റില് നിന്ന് വെളളം ഒഴിച്ച് തീ കെടുത്താന് ശ്രമിച്ചു. തുടര്ന്ന് ഫയര് ഫോഴ്സും എത്തി തീ പൂര്ണ്ണമായും അണച്ചു.
സംഭവ സമയത്ത് ദാമോദരനും ഭാര്യ ആനന്ദവല്ലിയും(62) മാത്രമാണ് വീട്ടില് ഉണ്ടായിരുന്നത്. തീ പടര്ന്ന ഉടന്തന്നെ അടുക്കളയിലെ ഗ്യാസ് സിലണ്ടര് അവിടെ നിന്നും നീക്കം ചെയ്തതിനാല് വലിയ അപകടം ഒഴിവായി. ഷെഡില് സൂക്ഷിച്ചിരുന്ന തേങ്ങ, നിരവധി പാത്രങ്ങള്, അറപ്പിച്ച തടി ഉരുപ്പടികള് എന്നിവയെല്ലാം പൂര്ണ്ണമായി കത്തി നശിച്ചു.
അടുക്കളയുടെ കതകും കത്തിയിട്ടുണ്ട്. അകത്തെ വയറിംഗിനും കേടുപാടുകള് സംഭവിച്ചു. കരിലകുളങ്ങര പോലീസില് സ്ഥലത്ത എത്തി പരിശോധന നടത്തി കേസ്. ഷെഡ് തീ വെച്ച് നശിപ്പിച്ചതാകാം എന്ന പരാതിയെ തുടര്ന്ന് കരിലകുളങ്ങര പോലീസില് സ്ഥലത്ത് എത്തി പരിശോധന നടത്തി കേസ് എടുത്തു.
പ്രതികരിക്കാൻ ഇവിടെ എഴുതുക: