പ്രധാനമന്ത്രിയുടെ തൃപ്പൂണിത്തുറ പ്രസംഗം തത്സമയം 1000 വേദികളില്‍

Tuesday 10 May 2016 10:29 pm IST

തിരുവനന്തപുരം: പ്രധാനമന്ത്രി നരേന്ദ്രമോദി ഇന്ന് തൃപ്പൂണിത്തുറ മണ്ഡലത്തില്‍ നടത്തുന്ന പ്രസംഗം സംസ്ഥാനത്തെ 1000 വേദികളില്‍ ബിജെപി തത്സമയം പ്രദര്‍ശിപ്പിക്കും. വൈകിട്ട് 7.30 നാണ് എന്‍ഡിഎ സ്ഥാനാര്‍ത്ഥി പ്രൊഫ തുറവൂര്‍ വിശ്വംഭരന്റെ പ്രചരണാര്‍ത്ഥം പ്രധാനമന്ത്രി തൃപ്പൂണിത്തുറയിലെത്തുന്നത്. അദ്ദേഹം നടത്തുന്ന പ്രസംഗം എല്ലാവിഭാഗം ജനങ്ങളിലേക്കും എത്തിക്കുന്നതിനാണ് ഗ്രാമാന്തരങ്ങളില്‍ ബിജെപി തത്സമയ സംപ്രേഷണ സംവിധാനം ഒരുക്കുന്നത്. ഇതിനായി പ്രത്യേക എല്‍ഇഡി സ്‌ക്രീനുകള്‍ ഉള്‍പ്പടെയുള്ളവ സജ്ജീകരിച്ചിട്ടുണ്ട്. ആയിരം കേന്ദ്രങ്ങളില്‍ ദേശീയ ജനാധിപത്യ സഖ്യത്തിന്റെ പൊതുയോഗങ്ങളും സംഘടിപ്പിക്കും. മോദിയുടെ പ്രസംഗത്തിന് മുന്‍പായി യോഗങ്ങള്‍ തുടങ്ങും. മോദിയുടെ തൃപ്പൂണിത്തുറയിലെ പ്രസംഗം തുടങ്ങുമ്പോള്‍ പൊതുയോഗ വേദിയിലും അത് തത്സമയം പ്രദര്‍ശിപ്പിക്കും. തിരുവനന്തപുരം ജില്ലയില്‍മാത്രം 106 സ്ഥലത്ത് പൊതുയോഗങ്ങള്‍ നടക്കും.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.