കണ്ണൂര്: എഴുത്തുകാരന് ബല്റാം മട്ടന്നൂര് തന്റെ പതിനാലാമത്തെ വയസ്സിലെഴുതിയ മുയല് ഗ്രാമം അഞ്ച് ഭാഷകളില് മൊഴിമാറ്റം ചെയ്ത് പ്രസിദ്ധീകരിക്കുന്നു. മലയാളത്തിന് പുറമേ ഇംഗ്ലീഷ്, ഹിന്ദി, തമിഴ്, കന്നഡ എന്നീ ഭാഷകളിലാണ് പുതിയതായി പ്രസിദ്ധീകരിക്കുന്നത്. പുസ്തകങ്ങളുടെ പ്രകാശനം ബംഗളൂരുവിലുള്ള ആശ്രമത്തില് വെച്ച് 14 ന് വൈകുന്നേരം 4 മണിക്ക് ശ്രീ ശ്രീ രവിശങ്കര് നിര്വ്വഹിക്കും. തെലുങ്ക്, മറാത്തി, ഗുജറാത്തി, ബംഗാളി ഭാഷകളില് കൂടി മുയല് ഗ്രാമം പ്രസിദ്ധീകരിക്കുന്നതിന്റെ പ്രവര്ത്തനം പൂര്ത്തിയായി വരികയാണ്. ദര്ശനം, യുവസാഹിതി എന്നീ പുരസ്കാരങ്ങള് ലഭിച്ചിട്ടുണ്ട്. മുയലുകള് മാത്രം വസിക്കുന്ന ഒരു ഗ്രാമത്തിലേക്ക് മന്മഥന് എന്ന മനുഷ്യന് കടന്ന് ചെല്ലുന്നതും തുടര്ന്നുണ്ടാകുന്ന വിധി വൈപരീത്യങ്ങളുമാണ് പുസ്തകത്തിലെ പ്രമേയം. പ്രൊഫസര് എം.ലീലാവതി മന്മഥന്റെ കടന്ന് കയറ്റത്തെ വിലയിരുത്തിയത് ഒരു രാജ്യത്തിന്റെ പരമാധികാരത്തിലേക്ക് കടന്ന് കയറുന്ന മറ്റൊരു രാജ്യത്തെ പോലെ അല്ലെങ്കില് ശാന്തിയിലേക്ക് ഇടിച്ച് കയറുന്ന അശാന്തിയെപോലെയെന്നാണ്.
പ്രതികരിക്കാൻ ഇവിടെ എഴുതുക: