കണ്ണൂര്: ബാങ്കുകളില് നിന്ന് വിരമിച്ചവരോടുള്ള കേന്ദ്രസര്ക്കാരിന്റെയും ബാങ്കുടമകളുടെയും അവഗണന അവസാനിപ്പിക്കണമെന്ന് ആള് കേരള ബാങ്ക് റിട്ടയറീസ് ഫെഡറേഷന് ജില്ലാ കമ്മറ്റി ആവശ്യപ്പെട്ടു. ബാങ്കിംഗ് മേഖലയില് പെന്ഷന് നടപ്പിലാക്കിയിട്ട് 24വര്ഷം കഴിഞ്ഞെങ്കിലും ഇതുവരെ ബാങ്ക് പെന്ഷന് പരിഷ്കരണം നടത്താത്തത് കടുത്ത അനീതിയാണെന്ന് കമ്മറ്റി വിലയിരുത്തി. സുകുമാര് കൂടാളി അധ്യക്ഷത വഹിച്ചു. ജില്ലാ സെക്രട്ടറി എ.സി.മാധവന് കേന്ദ്രകമ്മറ്റി തീരുമാനങ്ങള് വിശദീകരിച്ചു. ഫാമിലി പെന്ഷന് വര്ദ്ധനവും 10 ശതമാനം ക്ഷാമബത്തയും മുഴുവന്പേര്ക്കും നല്കാമെന്ന ഐബിയുടെ വാഗ്ദാനങ്ങള് ഇതേവരെ നടപ്പിലാക്കാത്തതില് കമ്മറ്റി പ്രതിഷേധം രേഘപ്പെടുത്തി. വി.ബി.ഷേണായി, എം.ചന്ദ്രന്, കെ.കെ.ഗോവിന്ദന്കുട്ടി, എം.രാധാകൃഷ്ണന്, കെ.ബാലകൃഷ്ണന് എന്നിവര് പ്രസംഗിച്ചു.
സുവര്ണ ജൂബിലി ആഘോഷങ്ങള്ക്ക് തുടക്കമായി
ചെമ്പേരി: തലശ്ശേരി അതിരൂപത കോര്പ്പറേറ്റ് വിദ്യഭ്യാസ ഏജന്സിയുടെ ഒരു വര്ഷം നീളുന്ന സുവര്ണ ജൂബിലി ആഘോഷങ്ങള്ക്ക് ചെമ്പേരിയില് തുടക്കമായി. അതിരൂപതയില് ഉന്നത വിജയം കരസ്ഥമാക്കിയ വിദ്യാര്ത്ഥികള്ക്കും സ്കൂളുകള്ക്കുമുള്ള അനുമോദനവും ഇതോടൊപ്പം നടന്നു. ചെമ്പേരി വിമല് ജ്യോതി എഞ്ചിനിയറിംഗ് കോളേജിലെ മോണ്.മാത്യും.ചാലില് ഓഡിറ്റോറിയത്തില് നടന്ന ചടങ്ങില് തലശ്ശേരി അതിരൂപതാ ആര്ച്ച് ബിഷപ്പ് മാര് ജോര്ജ്ജ് ഞരളക്കാട്ട് ജൂബിലി ആഘോഷം ഉദ്ഘാടനം ചെയ്തു. വികാരി ജനറല് മോണ്.എബ്രാഹാം പോണാട്ട് അധ്യക്ഷതവഹിച്ചു. കോര്പ്പറേറ്റ് മാനേജര് ഫാ.ജെയിംസ് ചെല്ലങ്കോട്ട് ആമുഖ പ്രഭാഷണം നടത്തി.
പ്രതികരിക്കാൻ ഇവിടെ എഴുതുക: