കണ്ണൂര്: നിയമസഭാ തെരഞ്ഞെടുപ്പിന്റെ വോട്ടെടുപ്പുമായി ബന്ധപ്പെട്ട് ഏതെങ്കിലും ബൂത്തില് കള്ളവോട്ട്, അക്രമം, വോട്ടര്മാരെ തടയല് എന്നിങ്ങനെയുള്ള പ്രശ്നങ്ങളുണ്ടായാല് പോളിങ്ങ് നിര്ത്തിവെച്ച് റീപോളിങ്ങ് നടത്തുമെന്ന് ജില്ലാ കലക്ടര് പി.ബാലകിരണ് അറിയിച്ചു. റീപോളിങ്ങ് നടത്തുന്നതിന് ഒരു മടിയുമില്ല. 14 നിരീക്ഷകര് ജില്ലയിലെ തെരഞ്ഞെടുപ്പ് പ്രവര്ത്തനങ്ങള്ക്ക് മേല്നോട്ടം വഹിക്കുന്നുണ്ട്. ഇവര് നല്കുന്ന റിപ്പോര്ട്ടുകള് കേന്ദ്ര തെരഞ്ഞെടുപ്പ് കമ്മീഷന് ഗൗരവമാണ് കണക്കാക്കുക. സമാധാനപരമായും സുതാര്യമായും വോട്ടെടുപ്പ് നടത്താനാവശ്യമായ എല്ലാ ക്രമീകരണങ്ങളും കുറ്റമറ്റ നിലയില് ജില്ലയില് ചെയ്തിട്ടുണ്ട്. ഇതിനായി രാഷ്ട്രീയ പാര്ട്ടികളും ജനങ്ങളും സഹകരിക്കണമെന്നും കലക്ടര് അഭ്യര്ത്ഥിച്ചു.
പ്രതികരിക്കാൻ ഇവിടെ എഴുതുക: