കോട്ടയം: ഒരു കൈത്താങ്ങ് ചാരിറ്റബിള് സൊസൈറ്റി കിടങ്ങൂരില് കോട്ടയം മെഡിക്കല് കോളേജിലെ കാര്ഡിയോളജി സര്ജറി വിഭാഗം തലവന് ഡോ.ടി.കെ.ജയകുമാര് ഉദ്ഘാടനം ചെയ്തു.
ചലനശേഷി ഇല്ലാത്ത നാലുവയസ്സുള്ള കുട്ടിക്ക് സൊസൈറ്റി ഒരു ചേബിള് ഫാന് നല്കി. കിടങ്ങൂര് ഗ്രാമപഞ്ചായത്ത് പ്രസിഡന്റ് ലിസ്സി എബ്രാഹാം രോഗികള്ക്ക് മരുന്ന് വിതരണം ചെയ്തു. വാര്ഡ് മെമ്പര്മാരായ നീലകണ്ഠന് നമ്പൂതിരി, മണി മണിമലമറ്റം, ബിന്ദു രമേശ് എന്നിവരും മര്ച്ചന്റ്സ് അസോസിയേഷന് പ്രസിഡന്റ് കെ.എം.രാധാകൃഷ്ണന് നായര്, കിടങ്ങൂര് സര്വ്വീസ് സഹകരണബാങ്ക് പ്രസിഡന്റ് ജി.വിശ്വനാഥന് നായര്, കെ.എ.വാസുദേവന്, ബ്ലോക്ക് മെമ്പര് പ്രകാശ് ബാബു തുടങ്ങിയവര് സംസാരിച്ചു. സാമ്പത്തികമായി പിന്നാക്കം നില്ക്കുന്ന രോഗികള്ക്ക് മരുന്ന് നല്കുക, ആശ്രിതരില്ലാത്ത രോഗികള്ക്ക് ചികിത്സ നല്കുക, രക്തദാനം നടത്തുക, സൗജന്യ മെഡിക്കല് ക്യാമ്പ് നടത്തുക. ആരോഗ്യ ശുചിത്വ ബോധവത്ക്കരണ ക്ലാസുകള് നടത്തുക എന്നിവയാണ് ലക്ഷ്യമെന്ന് സൊസൈറ്റി പ്രസിഡന്റ് എം.എന്.സുബ്രഹ്മണ്യന്, സെക്രട്ടറി സിബി എബ്രഹാം, ട്രഷറര് രാജു പടിക്കമറ്റത്തില് എന്നിവര് വിശദീകരിച്ചു.
പ്രതികരിക്കാൻ ഇവിടെ എഴുതുക: