സൂറിച്ച്: അന്താരാഷ്ട്ര ഫുട്ബോള് സംഘടനയായ ഫിഫക്ക് ചരിത്രത്തിലാദ്യമായി വനിതാ സെക്രട്ടറി ജനറല്. സെനഗലില്നിന്നുള്ള ഫാത്മ സാമ്പ ദിയൂഫ് സമൗറയ്ക്കാണ് പുതിയ നിയോഗം. ഐക്യരാഷ്ട്രസഭയില് 21 വര്ഷം സേവനമനുഷ്ഠിച്ച സമൗറ ജൂണിലാണ് സ്ഥാനമേല്ക്കുക. മെക്സിക്കോ സിറ്റിയില് നടന്ന ഫിഫ കോണ്ഗ്രസിലാണ് സമൗറയെ സെക്രട്ടറി ജനറലായി പ്രഖ്യാപിച്ചത്.
വിമര്ശനങ്ങള്ക്കും തര്ക്കങ്ങള്ക്കും മുന്നില് ശോഭ നഷ്ടപ്പെട്ട ഫിഫക്ക് പുതിയ ഉണര്വ് നല്കാന് ഈ തിരുമാനം കാരണമാകുമെന്ന് ജിയാനി ഇന്ഫാന്റിനോ വ്യക്തമാക്കി. ഫിഫയിലെ അഴിമതിയുമായി ബന്ധപ്പെട്ട് ജെറോം വാല്ക്കെ 12 വര്ഷത്തേക്ക് വിലക്കപ്പെട്ടതിനെത്തുടര്ന്നുണ്ടായ ഒഴിവിലേക്കാണ് സമൗറ നിയമിക്കപ്പെട്ടത്.
പ്രതികരിക്കാൻ ഇവിടെ എഴുതുക: