ഏറ്റുമാനൂര്: നിയമസഭാ തെരഞ്ഞെടുപ്പിന്റെ ഫലം പുറത്തുവരുമ്പോള് ഏറ്റുമാനൂരില് എന്ഡിഎ അത്ഭുതം സൃഷ്ടിക്കുമെന്ന് ബിജെപി നിയോജകമണ്ഡലം പ്രസിഡന്റ് എന്.വി.ബൈജു പ്രസ്താവിച്ചു. നാമനിര്ദ്ദേശ പത്രികാ സമര്പ്പണം മുതല് കൊട്ടിക്കലാശം വരെയുള്ള തെരഞ്ഞെടുപ്പ് പ്രചാരണ പരിപാടികളില് ജനങ്ങള് നല്കിയ പിന്തുണ ഇതിന്റെ സൂചനയാണ് നല്കുന്നത്. ചെങ്കോട്ടയെന്ന് കമ്മ്യൂണിസ്റ്റുകാര് അഹങ്കാരത്തോടെ അഭിമാനംകൊണ്ടിരുന്ന കുമരകത്ത് നടന്ന പ്രചാാരണ സമാപനത്തില് പങ്കെടുത്ത ആയിരക്കണക്കിന് ജനങ്ങള് ഈ അദ്ഭുതത്തിന്റെ സൃഷ്ടാക്കളാകും.
ഏറ്റുമാനൂര് മണ്ഡലത്തിന്റെ സ്വതന്ത്രനായ ജോര്ജ്ജ് സജോസഫ് പൊടിപാറ ഇടതു-വലതു മുന്നണികളെ പരാജയപ്പെടുത്തി വിജയം നേടിയ രാഷ്ട്രീയ ചരിത്രത്തെ എ.ജി.തങ്കപ്പന്റെ വിജയത്തിലൂടെ ഇക്കുറി തിരുത്തിക്കുറിക്കുമെന്നും ബൈജു പറഞ്ഞു. ശ്രീനാരായണ ഗുരുദേവനെ കുരിശിലേറ്റി ആണിഅടിച്ച ഇടതുപക്ഷ പ്രസ്ഥാനങ്ങള്ക്കുള്ള താക്കീതായി ഈ തെരഞ്ഞെടുപ്പ് മാറും. ഇടതു-വലതു ജനപ്രതിനിധികള് മാറിമാറി ഭരിച്ച മണ്ഡലത്തിന്റെ പിന്നാക്കാവസ്ഥയ്ക്ക് പരിഹാരം കാണാന് ജനങ്ങള് സ്വീകരിക്കുന്ന ഏക പോംവഴിയായി എന്ഡിഎ മാറിയിട്ടുണ്ട്. കുടം അടയാളത്തില് വോട്ടുകള് രേഖപ്പെടുത്തി മണ്ഡലത്തിന്രെ വികസനം ഉറപ്പാക്കണമെന്ന് അദ്ദേഹം വോട്ടര്മാരോട് അഭ്യര്ത്ഥിച്ചു.
പ്രതികരിക്കാൻ ഇവിടെ എഴുതുക: