വടകര: വടകര, കുറ്റിയാടി, നാദാപുരം മേഖലകളില് ബിജെപി പ്രവര്ത്തകര്ക്കും വാഹനങ്ങള്ക്കും വീടുകള്ക്കും നേരെയുണ്ടായ സിപിഎം അക്രമത്തില് പ്രതിഷേധിച്ച് ഇന്ന് വടകര താലൂക്കില് ബിജെപി ഹര്ത്താലിന് ആഹ്വാനം ചെയ്തു. രാവിലെ ആറു മുതല് വൈകീട്ട് ആറുവരെയാണ് ഹര്ത്താലിന് ആഹ്വാനം ചെയ്തിരിക്കുന്നതെന്ന് മേഖലാ സെക്രട്ടറി എം.പി. രാജന് പ്രസ്താവനയില് അറിയിച്ചു.
പാല്, പത്രം, എയര്പോര്ട്ട്, ആശുപത്രി എന്നിവയെ ഹര്ത്താലില് നിന്ന് ഒഴിവാക്കിയിട്ടുണ്ട്. പൊതുജനങ്ങള് ഹര്ത്താലുമായി സഹകരിക്കണമെന്ന് ബിജെപി അഭ്യര്ത്ഥിച്ചു.
വടകര, നാദാപുരം, അഴിയൂര്, കുറ്റിയാടി, ഓര്ക്കാട്ടേരി തുടങ്ങിയ ഭാഗങ്ങളില് ബിജെപി പ്രവര്ത്തകര്, വീടുകള്, ബിജെപി ഓഫീസുകള്, ബിജെപി പ്രവര്ത്തകരുടെ സ്ഥാപനങ്ങള്, വാഹനങ്ങള് എന്നിവക്ക് നേരെ സിപിഎമ്മുകാര് വ്യാപകമായ അക്രമമാണ് അഴിച്ചുവിട്ടത്. പരിക്കേറ്റ നിരവധി പ്രവര്ത്തകര് കോഴിക്കോട് മെഡിക്കല് കോളജ് ആശുപത്രി, വടകര ഗവ. ആശുപത്രി എന്നിവിടങ്ങളില് ചികിത്സയിലാണ്.
പ്രതികരിക്കാൻ ഇവിടെ എഴുതുക: