തിരുവനന്തപുരം: എല്ഡിഎഫ് സര്ക്കാരിന്റെ മദ്യനയം ഉടന് പ്രഖ്യാപിക്കുമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്. ഉമ്മന്ചാണ്ടി സര്ക്കാരിന്റെ മദ്യനിരോധനം ഉട്ടോപ്യന് സങ്കല്പ്പമാണെന്നും തട്ടിപ്പാണെന്നും കാനം പറഞ്ഞു.
മദ്യവര്ജ്ജനം തന്നെയാണ് എല്ഡിഎഫ് നയം. ബാറുകള് പൂട്ടിയെന്ന കളളപ്രചാരണത്തിന് ഉമ്മന്ചാണ്ടിക്ക് കിട്ടിയ തിരിച്ചടിയെന്ന് തെരഞ്ഞെടുപ്പ് ഫലമെന്ന് കാനം രാജേന്ദ്രന് പറഞ്ഞു.
യുഡിഎഫ് നയത്തിന്റെ തുടര്ച്ചയല്ല ഇടതുപക്ഷത്തിന്റെ മദ്യനയം. അതുകൊണ്ട് തന്നെ പുതിയ മദ്യനയം വരും.
ആജീവനാന്ത മദ്യനയം പ്രഖ്യാപിക്കാന് ഉമ്മന്ചാണ്ടിക്ക് എന്താണ് അധികാരമെന്നും കാനം ചോദിച്ചു. ലോകത്ത് എവിടെയെങ്കിലും പൂര്ണമായി മദ്യനിരോധനം നടപ്പിലാക്കിയിട്ടുണ്ടോ എന്നും ഉണ്ടെങ്കില് അതൊന്ന് ഉമ്മന്ചാണ്ടി പറഞ്ഞുതരണമെന്നും കാനം രാജേന്ദ്രന് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: