കറുകച്ചാല്: കറുകച്ചാല് പഞ്ചായത്തിലെ 8-ാം വാര്ഡില്പ്പെട്ട തെങ്ങോലിപ്പടി 141-ാം നമ്പര് അങ്കണവാടി , വിദ്യാര്ത്ഥികളില്ലാതെ അടച്ചുപൂട്ടല് ഭീഷണിയില്. അടിസ്ഥാന സൗകര്യങ്ങളുടെ കുറവാണ് വിദ്യാര്ത്ഥികളെത്താതെന്നാണ് നാട്ടുകാര് പരാതിപ്പെടുന്നു. സ്വന്തമായി കെട്ടിടം ഉണ്ടെങ്കിലും വൈദ്യുതി കണക്ഷന് ഇല്ല. വേനല്ചൂടില് കാറ്റും വെളിച്ചവുമില്ലാതെ അങ്കണവാടിയില് കുരുന്നുകളെ വിടുന്നതിനും താല്പര്യമില്ല.
ഒരു കുട്ടി മാത്രമാണ് ഇവിടെയുണ്ടായിരുന്നത്. ഈ കുട്ടിയേയും വീടാതെയായതൊടെ അങ്കണവാടിയുടെ പ്രവര്ത്തനം നിലച്ചു. ഇവിടെ ഒരു വര്ക്കര് മാത്രമാണുളളത്. ഇവര് എല്ലാ ദിവസവും എത്താറുണ്ട് കുട്ടികളില്ലാത്തതുകൊണ്ട് പ്രവര്ത്തനം നടക്കുന്നില്ല. അധികൃതരുടെ അവഗണനയാണ് അങ്കണവാടിയുടെ പ്രവര്ത്തനം താറുമാറാക്കിയതെന്നു നാട്ടുകാര് പറയുന്നു.
പ്രതികരിക്കാൻ ഇവിടെ എഴുതുക: