ആലുവ: ശബരിമല ആചാരാനുഷ്ഠാനങ്ങള് മുറുകെ പിടിക്കണമെന്ന് നടി ശാരദ. മണപ്പുറത്ത് നടക്കുന്ന അഖില ഭാരത അയ്യപ്പ മഹാസംഗമസംഗമത്തിന്റെ ഭാഗമായി സംഘടിപ്പിച്ച സൗഹൃദ സമ്മേളനം ഉദ്ഘാടനം ചെയ്യുകയായിരുന്നു ശാരദ. എരൂര് ഗുരുമഹേശ്വര നാരായണീയ സമിതിയുടെ നേതൃത്വത്തില് ദൈവദശക ആലാപനത്തോടെയാണ് സമ്മേളനം ആരംഭിച്ചത്. സ്വാഗതസംഘം ചെയര്മാന് ശശികുമായ അദ്ധ്യക്ഷത വഹിച്ചു. ശരണവീഥി ഡയറക്ടറി വി.കെ. ഇബ്രാഹിംകുഞ്ഞ് എംഎല്എ എസ്എന്ഡിപി യോഗം പ്രസിഡന്റ് ഡോ. എം.എന്. സോമന് നല്കി പ്രകാശനം ചെയ്തു.
കെ.സി. മാധവന് നമ്പൂതിരി, കാരിക്കോട് ഉണ്ണികൃഷ്ണന് നമ്പൂതിരി, ആലങ്ങാട് യോഗം സമൂഹം പെരിയോന് കുന്നുകര രാജപ്പന് നായര്, വെളിച്ചപ്പാട് കാമ്പിള്ളി ശങ്കരന് വേണുഗോപാല്, അഖില ഭാരത അയ്യപ്പ പ്രചാരസഭ രക്ഷാധികാരി പി.എന്.കെ. മേനോന്, ശരണവീഥി ജനറല് കണ്വീനര് കെ. അയ്യപ്പദാസ്, ആലങ്ങാട് യോഗം രക്ഷാധികാരി ചെമ്പോല ശ്രീകുമാര്, അയ്യപ്പ സേവാ സംഘം ദേശീയ വൈസ് പ്രസിഡന്റ് അഡ്വ. വിജയകുമായ, പത്മാനാഭന് നായര്,എ.എന്. രാമചന്ദ്രന്, അനില് സ്വാമി, സുധീഷ് കുമാര്, സജീവ് കുമാര് തത്തയില് എന്നിവര് പ്രസംഗിച്ചു. ശബരിമല മുന് മേല്ശാന്തി എടമന ദാമോദരന് പോറ്റി സ്വാഗതവും എ.സി. കലാധരന് നന്ദിയും പറഞ്ഞു. തുടര്ന്ന് കലൈമാമണി ഡോ. വീരമണി രാജു നയിക്കുന്ന അയ്യപ്പഭക്തി ഗാനമേള നടന്നു.
അയ്യപ്പ മഹാസംഗമസംഗമത്തിന്റെ ഭാഗമായി സംഘടിപ്പിച്ച തത്വമസി രഥഘോഷയാത്ര ഇന്നലെ രാത്രി ഭക്തിനിര്ഭരമായ അന്തരീക്ഷത്തില് മണപ്പുറത്ത് സമാപിച്ചു. കഴിഞ്ഞ ബുധനാഴ്ച്ച ആലങ്ങാട് ചെമ്പോല കളരിയില് നിന്നാരംഭിച്ച രഥയാത്ര ഇന്നലെ വൈകിട്ട് ആലുവ ശ്രീകൃഷ്ണ സ്വാമി ക്ഷേത്രത്തില് എത്തിച്ചേര്ന്നു. തുടര്ന്ന് നൂറുകണക്കിന് സ്ത്രീകളുടെയും വാദ്യമേളങ്ങളുടെയും അകമ്പടിയോടെയാണ് മണപ്പുറത്തേക്ക് ആനയിച്ചത്.
പ്രതികരിക്കാൻ ഇവിടെ എഴുതുക: