ആലപ്പുഴ: മധുര പലഹാരങ്ങള് നല്കി വിദ്യാര്ഥികളെ പുതിയ അദ്ധ്യയനവര്ഷത്തേക്ക് വരവേല്ക്കാനായി ജില്ലയില് സ്കൂളുകള് ഒരുങ്ങി. പുതിയ അധ്യയന വര്ഷത്തില് ഗവ. സ്കൂളുകളില് 6,052 കുട്ടികളും എയ്ഡഡ് സ്കൂളുകളില് 6,313 കുട്ടികളും അടക്കം ആകെ 12,365 കുട്ടികളോളം ഇതുവരെ ഒന്നാം ക്ലാസില് ചേര്ന്നിട്ടുണ്ട്. സ്കൂള് തുറക്കുമ്പോള് പത്താം ക്ലാസുവരെയുള്ള 1,84,000 കുട്ടികള് സ്കൂളിലെത്തും.
ജില്ലാ, ഉപജില്ലാ, പഞ്ചായത്ത്, സ്കൂള് തലങ്ങളില് പ്രവേശനോത്സവം നടത്താന് ഒരുക്കം പൂര്ത്തിയായി. നാളെ ജില്ലാതല പ്രവേശനോത്സവം കഞ്ഞിക്കുഴി ജിഎസ്എംഎം ഹയര് സെക്കന്ഡറി സ്കൂളില് നടക്കും. സ്വാഗതസംഘരൂപീകരണയോഗം ജില്ലാ പഞ്ചായത്ത് വൈസ് പ്രസിഡന്റ് ദലീമാ ജോജോ ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാന്ഡിങ് കമ്മിറ്റി ചെയര്മാന് അഡ്വ. കെ.റ്റി. മാത്യു അദ്ധ്യക്ഷത വഹിച്ചു.
ഉപജില്ലാതലത്തില് എഇഒമാരും സ്കൂള് തലത്തില് ഹെഡ്മാസ്റ്റര്മാരും പ്രവേശനോത്സവം നടത്തും. ഇതിനായി ഉപജില്ലാ തലത്തില് 1,500 രൂപയും പഞ്ചായത്തുതലത്തില് 1,000 രൂപയും സ്കൂള്തലത്തില് 500 രൂപയും എസ്എസ്എ നല്കും. ഹൈസ്കൂള് തലത്തില് ഓരോ സ്കൂളിനും 10,000 രൂപയും ജില്ലാതല പ്രവേശനോത്സവം സംഘടിപ്പിക്കുന്ന കഞ്ഞിക്കുഴി സ്കൂളിന് 25,000 രൂപയും ജില്ലാ പഞ്ചായത്ത് നല്കും.
ഈ അദ്ധ്യയന വര്ഷത്തേക്കാവശ്യമായ പാഠപുസ്തക വിതരണവും പുരോഗമിച്ചുവരുന്നു. ജില്ലയില് 14,36,438 പുസ്തകങ്ങള് ഹെഡ്മാസ്റ്റര് ഇന്ഡന്റ് ചെയ്തിട്ടുണ്ട്. അതില് 7,86,125 പുസ്തകങ്ങള് ഇതിനകം വിതരണം ചെയ്തു.
ഒന്നാം ക്ലാസുമുതല് എട്ടാം ക്ലാസുവരെയുള്ള കുട്ടികള്ക്ക് രണ്ടു ജോഡി യൂണിഫോം വിതരണം ചെയ്യുന്നതിന് ഗവ.സ്കൂളുകളിലേക്ക് ആവശ്യമായ തുക എസ്എസ്എ അനുവദിച്ചിട്ടുണ്ട്. തുക സ്കൂള് ഹെഡ്മാസ്റ്റര്മാരുടെ പേരിലുള്ള അക്കൗണ്ടണ്ില് നിക്ഷേപിച്ചു. ജൂണ് 25നകം കുട്ടികള് യൂണിഫോം അണിഞ്ഞ് സ്കൂളുകളില് എത്തും എന്നാണു കരുതുന്നത്. എയ്ഡഡ് സ്കൂളുകളിലെ യൂണിഫോം വിതരണത്തിനുള്ള തുക ഫണ്ടണ്് ലഭ്യതയനുസരിച്ച് ഹെഡ്മാസ്റ്റര്മാരുടെ അക്കൗണ്ടണ്ില് നിക്ഷേപിക്കും.
എസ്സി – എസ്ടി കുട്ടികളുടെ സ്റ്റൈപ്പന്ഡ് വിതരണം സ്കൂളുകളിലെ ഹെഡ്മാസ്റ്റര്മാരുടെ അക്കൗണ്ടിലേക്ക് സ്കൂള് തുറക്കുന്നതിനു മുന്പ് എത്തിക്കുമെന്ന് പട്ടികജാതി വികസന വകുപ്പ് ഡെപ്യൂട്ടി ഡയറക്ടര് അറിയിച്ചു. ഈ വര്ഷത്തെ ഒമ്പത്, 10 ക്ലാസുകളിലെ പുസ്തകങ്ങള്ക്ക് മാറ്റമുണ്ട്. സ്കൂള് തുറക്കുന്ന ദിവസം മുതല് ഉച്ചഭക്ഷണം കുട്ടികള്ക്ക് നല്കുന്നതിനു നടപടി ആരംഭിക്കണമെന്ന് ഹെഡ്മാസ്റ്റര്മാര്ക്കു നിര്ദ്ദേശം നല്കി. ഈ അദ്ധ്യയന വര്ഷത്തെ കുട്ടികളുടെ കണക്കെടുപ്പ് ജൂണ് എട്ടിന് നടത്തും. കുട്ടികളുടെ യുഐഡി പൂര്ത്തീകരിച്ചു.
പ്രതികരിക്കാൻ ഇവിടെ എഴുതുക: