കോഴിക്കോട്: ക്ഷീരമേഖലയുടെ പ്രധാന്യം ഓര്മ്മിപ്പിക്കുക എന്ന ലക്ഷ്യത്തോടെ ജില്ലയില് ക്ഷീര വികസന വകുപ്പിന്റെയും വിവിധ സഹകരണ സംഘങ്ങളുടെ ആഭിമുഖ്യത്തില് നാളെ ലോക ക്ഷീര ദിനാചരണം സംഘടിപ്പിക്കും. ബാലുശ്ശേരി അവിടനെല്ലൂര് ക്ഷീര സഹകരണത്തില് നടക്കുന്ന ജില്ലാതല ദിനാചരണത്തിന്റെയും ഫാര്മര് ഫെസിലിറ്റേഷന് സെന്ററിന്റെയും ഉദ്ഘാടനം പുരുഷന് കടലുണ്ടി എംഎല്എ നിര്വഹിക്കും. ബാലുശ്ശേരി ബ്ലോക്ക് പഞ്ചായത്ത് പ്രസിഡന്റ് വി. പ്രതിഭ അദ്ധ്യക്ഷത വഹിക്കും.
ജില്ലാ പഞ്ചായത്ത് അനുവദിച്ച 10 ലക്ഷം രൂപയുടെ മൊബൈല് ക്വാളിറ്റി കണ്ട്രോള് യൂണിറ്റ് വാഹനം ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ക്ഷീരവകുപ്പിന് കൈമാറും. ക്ഷീര വികസന വകുപ്പ് ജില്ലാ ഡെപ്യൂട്ടി ഡയര്കടര് ക്ഷീരസന്ദേശം നല്കും. ക്ഷീരകര്ഷകര്, ത്രിതല പഞ്ചായത്ത് പ്രതിനിധികള് തുടങ്ങിയവര് പങ്കെടുക്കും.
ജില്ലയിലെ ക്ഷീരോദ്പാദന മേഖലയില് അഞ്ചു ശതമാനം വര്ദ്ധനവുണ്ടായതായി ക്ഷീര വികസന വകുപ്പ് ജില്ലാ ഡെപ്യൂട്ടി ഡയറക്ടര് അറിയിച്ചു. 2014-15 വര്ഷത്തില് 230 ക്ഷീരസംഘങ്ങളിലൂടെ 3.57 ദശലക്ഷം ലിറ്റര് പാല് സംരഭിച്ചപ്പോള് 2015-16 വര്ഷത്തില് ഇത് 3.78 ദശലക്ഷം ലിറ്ററാക്കി ഉയര്ത്താനായി. ക്ഷീരകര്ഷക ക്ഷേമനിധിയില് അംഗത്വമെടുത്ത 26,058 കര്ഷകരില് 4611 പേര്ക്ക് പ്രതിമാസ പെന്ഷന് നല്കി വരുന്നതായും ക്ഷീര ഡെപ്യൂട്ടി ഡയറക്ടര് അറിയിച്ചു.
പ്രതികരിക്കാൻ ഇവിടെ എഴുതുക: