ആലപ്പുഴ: കയര് വികസന വകുപ്പ് സംസ്ഥാനതലത്തിലും പ്രോജക്ട് തലത്തിലും ഏര്പ്പെടുത്തിയ 2015-16 വര്ഷത്തേക്കുള്ള കയര് അവാര്ഡിന് അപേക്ഷ ക്ഷണിച്ചു. സഹകരണ സംഘങ്ങള്, കയറ്റുമതിക്കാര്, ചെറുകിട ഉല്പ്പാദകര്, ദീര്ഘകാല അനുഭവ സമ്പത്തിനും സംഭാവനകള്ക്കും, നല്ല ഡിസൈനും ഗവേഷണ കണ്ടെത്തലും തുടങ്ങി വിവിധ വിഭാഗങ്ങളിലാണ് അവാര്ഡ് നിശ്ചയിച്ചിട്ടുള്ളത്.
കയര്മേഖലയിലെ ദീര്ഘകാല അനുഭവസമ്പത്തും സമഗ്ര സംഭാവനകളും അടിസ്ഥാനമാക്കി വ്യക്തികള്ക്ക് നല്കുന്ന അവാര്ഡിനുള്ള അപേക്ഷകള് ബന്ധപ്പെട്ട സംഘടനകളുടെ നാമനിര്ദ്ദേശം വഴിയാണ് സ്വീകരിക്കുന്നത്. കൂടുതല് വിവരങ്ങള്ക്ക് അടുത്തുള്ള കയര് സര്ക്കിള് ഓഫീസുമായോ കയര് പ്രോജക്ട് ഓഫീസുമായോ കയര് വികസന ഡയറക്ടറേറ്റുമായോ ബന്ധപ്പെടണം.
അപേക്ഷകള് ബന്ധപ്പെട്ട പ്രോജക്ട് ഓഫീസുകളില് ലഭിക്കേണ്ട അവസാന തീയതി ജൂണ് 30. സര്ക്കാര് ഉത്തരവും അപേക്ഷാ ഫോറവും കയര് വികസന ഡയറക്ടറേറ്റിന്റെ വെബ്സൈറ്റായ www.coir.kerala.gov.in ല് ലഭ്യമാണ്.
പ്രതികരിക്കാൻ ഇവിടെ എഴുതുക: