കോഴിക്കോട്: ഓ. രാജഗോപാല് നയിക്കുന്ന വിജയ യാത്രക്ക് കോഴിക്കോട് ജില്ലയില് ഉജ്ജ്വല സ്വീകരണം. വടകര പുതിയ ബസ് സ്റ്റാന്റ് പരിസരം, കോഴിക്കോട് സ്നേഹാഞ്ജലി ഓഡിറ്റോറിയം എന്നിവിടങ്ങളിലാണ് സ്വീകരണം ഒരുക്കിയത്. സ്നേഹാഞ്ജലിയില് നടന്ന സ്വീകരണ യോഗത്തില് ബിജെപി കോഴിക്കോട് ജില്ലാ പ്രസിഡന്റ് ടി.പി. ജയചന്ദ്രന് മാസ്റ്റര് അദ്ധ്യക്ഷത വഹിച്ചു.
ബിജെപി മുതിര്ന്ന നേതാക്കളായ അഹല്യാശങ്കര്, പി. കെ. കൃഷ്ണദാസ്, അഡ്വ. പി. എസ്. ശ്രീധരന്പിള്ള, കെ.പി. ശ്രീശന്, എം.ടി. രമേശ്, കെ. സുരേന്ദ്രന്, പി. സി. മോഹനന് മാസ്റ്റര്, ചേറ്റൂര് ബാലകൃഷ്ണന് മാസ്റ്റര്, യുവമോര്ച്ച സംസ്ഥാന പ്രസിഡന്റ് അഡ്വ. കെ.പി. പ്രകാശ് ബാബു, എല്ജെപി സംസ്ഥാന പ്രസിഡന്റ് മെഹബൂബ്, ബിഡിജെഎസ് ജില്ലാ പ്രസിഡന്റ് ഗിരിപാമ്പനാല്, സോഷ്യലിസ്റ്റ് ജനത സംസ്ഥാന പ്രസിഡന്റ്സുരേഷ്ബാബു, ജെഎസ്എസ് ജില്ലാ ജനറല് സെക്രട്ടറി പ്രകാശന് മാസ്റ്റര് തുടങ്ങിയവര് പങ്കെടുത്തു. നേരത്തെ വടകര പുതിയ ബസ് സ്റ്റാന്റ് പരിസരത്ത് ഒരുക്കിയ സ്വീകരണത്തിനു ശേഷമാണ് യാത്ര കോഴിക്കോട് നഗരത്തില് എത്തിയത്.
പ്രതികരിക്കാൻ ഇവിടെ എഴുതുക: