കൊച്ചി: ഫിഷറീസ് സമുദ്രപഠന സര്വ്വകലാശാല (കുഫോസ് ) യുടെ രണ്ടാമത്തെ വൈസ് ചാന്സലറായി പ്രൊഫ. എ. രാമചന്ദ്രന് ചുമതലയേറ്റു. ജൂണ് ഒന്നാം തിയതി രാവിലെ സര്വ്വകലാശാല ആസ്ഥാനത്ത് അദ്ദേഹത്തെ പ്രോ വൈസ് ചാന്സലര് ഡോ. കെ. പത്മകുമാര്, രജിസ്ട്രാര് ഡോ. വിക്ടര് ജോര്ജ് എന്നിവര് ചേര്ന്ന് സ്വീകരിച്ചു. വിവിധ സ്കൂളുകളുടെ ഡയറക്ടര്മാര്, അദ്ധ്യാപക – അനദ്ധ്യാപക ജീവനക്കാര്, വിദ്യാര്ത്ഥി യൂണിയന് പ്രതിനിധികള്, വിദ്യാര്ത്ഥികള് എന്നിവര് സന്നിഹിതരായിരുന്നു. തുടര്ന്ന് മുഴുവന് അദ്ധ്യാപക-അനദ്ധ്യാപക ജീവനക്കാരുമായും അദ്ദേഹം ആശയവിനിമയം നടത്തി.
ഡോ. എ. രാമചന്ദ്രന് കൊച്ചി ശാസ്ത്ര സാങ്കേതിക സര്വ്വകലാശാല (കുസാറ്റ്) യുടെ സ്കൂള് ഓഫ് ഇന്ഡസ്ട്രിയല് ഫിഷറീസ് വിഭാഗം പ്രൊഫസറും ഫാക്കല്റ്റി ഓഫ് എന്വയറോണ്മെന്റല് സയന്സസ് ഡീനുമാണ്. 2004 മുതല് 2013 വരെ കുസാറ്റിന്റെ രജിസ്ട്രാറായി സേവനമനുഷ്ഠിച്ച അദ്ദേഹം അവിടെ കണ്ട്രോളര് ഓഫ് എക്സാമിനേഷന്സ് പദവിയും വഹിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: