ബാലരാമപുരം: ബാലരാമപുരത്തെ സാധാരണക്കാരായ കുട്ടികള്ക്കൊപ്പം മധുരം വിളമ്പിയും പ്രവേശനോത്സവത്തില് പങ്കെടുത്തും അധ്യായന വര്ഷാരംഭത്തില് ബാലരാമപുരത്തെ വാട്ട്സ് ആപ് ഗ്രൂപ്പായ നാട്ടുകൂട്ടം എന്ന ജനകീയ കൂട്ടായ്മയിലെ പ്രവര്ത്തകര് മാതൃകയായി. ബാലരാമപുരം പ്രദേശത്തെ പഴക്കമുള്ള സ്കൂളുകളില് ഒന്നായ ആര്സിസ്ട്രീറ്റ് സെന്റ് ജോസഫ് എല്പി സ്കൂളിലാണ് നാട്ടുകൂട്ടം പ്രവര്ത്തകര് പ്രവേശനോത്സവത്തില് പങ്കാളിയായത്. കുട്ടികള്ക്ക് ബലൂണുകള് നല്കിയും ലഡുവും മിഠായിയും വിതരണം ചെയ്തും കുട്ടികള്ക്കും രക്ഷകര്ത്താക്കള്ക്കും അധ്യാപകര്ക്കുമൊപ്പം നാട്ടുകൂട്ടം ജനകീയ കൂട്ടായ്മ രംഗത്തുവന്നത് നാട്ടുകാര്ക്കും ആവേശമായി. സ്കൂളില് പ്രവേശനോത്സവം ഉദ്ഘാടനം ചെയ്ത് സംസാരിക്കുകയായിരുന്ന ജനപ്രതിനിധികളും നാട്ടുകൂട്ടത്തിന്റെ പ്രവര്ത്തനത്തെ പ്രശംസിക്കുവാനും മറന്നില്ല.
പ്രതികരിക്കാൻ ഇവിടെ എഴുതുക: