ശ്രീകണ്ഠാപുരം: റോഡില് നിന്നും കളഞ്ഞുകിട്ടിയ അഞ്ച് ഗ്രാം സ്വര്ണവള പോലീസിലേല്പ്പിച്ച് ബിഎംഎസ് പ്രവര്ത്തകനായ ഓട്ടോറിക്ഷാ ഡ്രൈവര് മാതൃകയായി. ശ്രീകണ്ഠാപുരം സ്റ്റാന്റില് ഓട്ടോറിക്ഷാ ഡ്രൈവറായ കോട്ടൂരിലെ കെ.വിശ്വനാഥനാണ് കോട്ടൂര് വയലില് നിന്നും സ്വര്ണവള കളഞ്ഞുകിട്ടിയത്. നിടിയേങ്ങയിലേക്ക് ഓട്ടം പോകുന്നതിനിടയില് കോട്ടൂര് വയലില് വെച്ചാണ് വള ലഭിച്ചത്. തുടര്ന്ന് വള ശ്രീകണ്ഠാപുരം പോലീസിലേല്പ്പിക്കുകയായിരുന്നു. മോട്ടോര് എഞ്ചിനിയറിങ്ങ് മസ്ദൂര് സംഘ് ജില്ലാ പ്രവര്ത്തകസമിതിയംഗം, ബിഎംഎസ് ശ്രീകണ്ഠാപുരം മേഖലാ വൈസ് പ്രസിഡണ്ട്, ശ്രീകണ്ഠാപുരം ഓട്ടോറിക്ഷാ തൊഴിലാളി യൂണിയന് ബിഎംഎസ് ട്രഷറര് എന്നീ നിലകളില് പ്രവര്ത്തിക്കുന്ന വിശ്വനാഥന് മേഖലയിലെ സാമൂഹ്യപ്രവര്ത്തകന് കൂടിയാണ്.
പ്രതികരിക്കാൻ ഇവിടെ എഴുതുക: